ସାନଖେମୁଣ୍ଡି (ବାଘୁଆବାର୍ତ୍ତା): ବିନା ଅନୁମତିରେ ବାହାଘର ସହ ଶହ ଶହ ଲୋକଙ୍କ ପାଇଁ ଭୋଜିର ଆୟୋଜନ କରିବା ଆୟୋଜକଙ୍କୁ ମହଙ୍ଗା ପଡିଛି । ସୂଚନା ପାଇ ପ୍ରଶାସନ ପହଞ୍ଚିବା ସହିତ ଜୋରିମାନା ମଧ୍ୟ ଆଦାୟ ହୋଇଥିବା ଜଣାପଡିଛି । ସୂଚନା ଅନୁସାରେ, ଗଞ୍ଜାମ ଜିଲ୍ଲା ପାତ୍ରପୁର ବ୍ଳକ ଗୋଠଗାଁରେ ବିବାହ ଭୋଜି ଚାଲିଥିବା ବେଳେ ପ୍ରଶାସନ ଚଢ଼ାଉ କରିଛି । ବିନା ଅନୁମତିରେ ସହ ସହ ଲୋକଙ୍କ ପାଇଁ ଭୋଜି କରିଥିବା ଖବର ପାଇ ପାତ୍ରପୁର ତହସିଲଦାର ଅମିତ କୁମାର ନାୟକ ଏବଂ ଜରଡା ଥାନାଧିକାରୀ ଭାବାନନ୍ଦ ପ୍ରଧାନଙ୍କ ମିଳିତ ଚଢ଼ାଉ କରିଥିଲେ । ଦଶ ହଜାର ଟଙ୍କାର ଫାଇନ ଆଦାୟ ସହ ଭୋଜି ଭାତକୁ ଗାଁରେ ବାଣ୍ଟିଥିବା ଜଣାପଡିଛି ।
