ଇଲେକ୍ଟ୍ରି ଟ୍ରାନ୍ସଫରକୁ ନେଇ ଦୁଇ ଗାଁ ମଧ୍ୟରେ ଗୋଷ୍ଠୀ ସଂଘର୍ଷ

ନୟାଗଡ଼, (ବାଘୁଆବାର୍ତ୍ତା): ଇଲେକ୍ଟ୍ରି ଟ୍ରାନ୍ସଫରମର କୁ କେନ୍ଦ୍ର କରି ଦୁଇ ଗ୍ରାମବାସୀଙ୍କ ମଧ୍ୟ୍ୟରେ ଗୋଷ୍ଠୀ ସଂଘର୍ଷ,୧୫ରୁ ଉର୍ଦ୍ଧ୍ବ ଆହତ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନୟାଗଡ ଜ଼ିଲ୍ଲା ରଣପୁର ଥାନା ଅନ୍ତର୍ଗତ ବଳଭଦ୍ରପୁର ପଂଚାୟତ ର ଜଗନ୍ନାଥପୁର ଏବଂ ଶ୍ରୀହରିପୁର ଗ୍ରାମ ମଧ୍ୟ୍ୟରେ । ସୂଚନା ଅନୁସାରେ ଜଗନ୍ନାଥପୁରର ଇଲେକ୍ଟ୍ରି ଟ୍ରାନ୍ସଫରମରରୁ ଶ୍ରୀହରିପୁରର କିଛି ଗ୍ରାମବାସୀମାନେ ଚୋରାରେ ବିଦ୍ୟୁତ ନେଇ ଏକ ପାଣି ମଟର ଲଗାଇ ମନଇଚ୍ଛା ନିତ୍ୟ ବ୍ୟବହାର୍ୟ୍ୟ କାର୍ୟ୍ୟରେ ଲଗାଇବା ସହ ବିଲରେ ପାଣି ମାଡ଼ଉଥିବାର ଅଭିଯୋଗ କରିଛନ୍ତି ଜଗନ୍ନାଥପୁର ଗ୍ରାମବାସୀ । ବିଦ୍ୟୁତ ଟ୍ରାନ୍ସଫରମର ଟି ପୋଡି ହୋଇଯିବା ସନ୍ଦେହ କରି ଜଗନ୍ନାଥ ପୁର ଗ୍ରାମବାସୀ ବିଦ୍ୟୁତ ବିଭାଗ ର ପରାମର୍ଶ ରେ ଟ୍ରାନ୍ସଫରମରରେ ଏକ ତାଲା ପକାଇଥିଲେ । ବିଦ୍ୟୁତ ନେବାରେ ଶ୍ରୀହରିପୁର ଗ୍ରାମବାସୀଙ୍କର ଅସୁବିଧା ସୃଷ୍ଟି ହେବାରୁ ଗ୍ରାମବାସୀ ମାନେ ଏକ ବୈଠକ କରି ଟ୍ରାନ୍ସଫରମରରେ ପଡ଼ିଥିବା ତାଲାକୁ ଭାଙ୍ଗିବାରୁ ଜଗନ୍ନାଥପୁର ଗ୍ରାମବାସୀ ଅଟକାଇବାରୁ ଦୁଇ ଗ୍ରାମବାସୀଙ୍କ ମଧ୍ୟ୍ୟରେ ଯୁକ୍ତିତର୍କ ହେବା ସହ ପରସ୍ପରକୁ ବିଭିନ୍ନ ମରଣାଅସ୍ତ୍ରରେ ଆକ୍ରମଣ କରିଥିଲେ। ଏହା ଫଳରେ ୧୫ରୁ ଉର୍ଦ୍ଧ୍ବ ଲୋକ ଗୁରୁତର ଆହତ ହୋଇଥିବା ବେଳେ ଉଭୟଙ୍କ ପକ୍ଷରୁ ରଣପୁର ଥାନାରେ ଲିଖିତ ଅଭିଯୋଗ କରାଯାଇଛି ।