ଓଡଗାଁ ବିଭିନ୍ନ ପ୍ରକଳ୍ପର ସ୍ଥିତି ପରଖିଲେ ପ୍ରକଳ୍ପ ନିର୍ଦ୍ଦେଶକ

ଓଡଗାଁ (ବାଘୁଆବାର୍ତ୍ତା): ଓଡଗାଁ ବ୍ଲକ ଅନ୍ତର୍ଗତ ବିଭିନ୍ନ ପଞ୍ଚାୟତରେ ହୋଇଥିବା ବିକାଶ ମୁଳକ କାର୍ଯ୍ୟର ସ୍ଥିତି ପରଖିଲେ ପ୍ରକଳ୍ପ ନିର୍ଦ୍ଦେଶକ ସୁବାଷ ଚନ୍ଦ୍ର ରାୟ । ଜନସାଧାରଣଙ୍କ ନିମନ୍ତେ ଉତ୍ସର୍ଗୀକୃତ ହେବାକୁ ଥିବା ସମସ୍ତ ଯୋଜନାର ଟିକିନିଖ ପରଖିଛନ୍ତି ପ୍ରକଳ୍ପ ନିର୍ଦ୍ଦେଶକ । ବାଘୁଆ ପାର୍କ ନିର୍ମାଣ ନିମନ୍ତେ ପ୍ରାଥମିକ ସ୍ତରରେ କିପରି ମାଟି ସମତୁଲ କରାଯିବ ଏବଂ ଏକ ପୋଖରୀ ନିର୍ମାଣ ପାଇଁ ପ୍ରସ୍ତାବ ଦେଇଥିଲେ । ଏଥିସହିତ ରାବେରା ପଞ୍ଚାୟତ ନୁତନ ପଞ୍ଚାୟତ ଗୃହ ଦେଖିବା ସହ ଭାଡିକିଳା ପଞ୍ଚାୟତର ନୂତନ ଗ୍ରାମ ପଞ୍ଚାୟତ ଗୃହକୁ ଦେଖିଥିଲେ । ସେହିପରି ଭାବେ ନନ୍ଦିଘର ପଞ୍ଚାୟତର ଖେଳପଡିଆ ସମେତ ବିଭିନ୍ନ ପ୍ରକଳ୍ପର ସ୍ଥିତି ପରଖିଥିଲେ । ପନ୍ତିଖାରିରେ ଖନନ ହୋଇଥିବା ଏକ ନୂତନ ପୋଖରୀ, ଦେଓଗାଁର ଏକ ପୋଖରୀ ସହିତ ରାଜ୍ୟ ସରକାରଙ୍କର ବିଭିନ୍ନ ପ୍ରକଳ୍ପର ସ୍ଥିତି ପରଖିଥିଲେ । ଓଡଗାଁ ବ୍ଳକ ଜିଲ୍ଲା ପରିଷଦ ସଭ୍ୟ ଲୋକନାଥ ସାହୁ, ସହକାରୀ ଯନ୍ତ୍ରୀ ଶରତ ଚନ୍ଦ୍ର ମଲ୍ଲିକ ଓ କନିଷ୍ଠ ଯନ୍ତ୍ରୀ ସନ୍ତୋଷ ମଲ୍ଲୀକ ପ୍ରମୁଖ ଉପସ୍ଥିତ ରହିଥିଲେ ।