ଢେଙ୍କାନାଳ (ବାଘୁଆବାର୍ତ୍ତା): କରୋନା କୋପରେ ଥରହର ମଣିଷ ଜାତି । ସଂକ୍ରମଣର ଉଗ୍ର ରୂପ ଦେଖି ସାରା ରାଜ୍ୟରେ ଚାଲିଛି ଲକଡାଉନ ଓ ସଟଡାଉନ ସ୍ଥିତି । ଆଉ ଏହି ପରିସ୍ଥିତିରେ ଭୋକିଲା ପେଟର ଦରଦୀବନ୍ଧୁ ସାଜିଛନ୍ତି ଢେଙ୍କାନାଳ ସହରର କିଛି ଯୁବତୀ । ଯେତେବେଳେ ସାରା ସହର କରୋନା ପାଇଁ ଗୃହବନ୍ଦୀ ସେହି ସମୟରେ ଏମାନେ ନିଜର ସୁରକ୍ଷାକୁ ପଛରେ ପକାଇ ଘରୁ ନିଜର ସ୍କୁଟି ଯୋଗେ ବାହାରି ପଡୁଛନ୍ତି ଅନ୍ୟକୁ ସାହାଯ୍ୟ କରିବାପାଇଁ । ନିଜ ହାତରେ ରୋଷେଇ କରି ସୁଷମ ଖାଦ୍ୟ ଯୋଗାଇ ଦିଅନ୍ତି ଦୀନ, ଦରିଦ୍ର ଅସହାୟ ଲୋକଙ୍କୁ ।
