ସଇତାନ ସାଜିଲା ସ୍ୱାମୀ:ସ୍ତ୍ରୀକୁ ପିଟିପିଟି ମାରିଦେଲା ସ୍ୱାମୀ

କେନ୍ଦୁଝର, (ବାଘୁଆବାର୍ତ୍ତା): ସଇତାନ ସାଜି ସ୍ୱାମୀ । ପିଟିପିଟି ସ୍ତ୍ରୀକୁ ମାରିଦେଲା ସ୍ୱାମୀ । ଏଭଳି ସାଂଘାତିକ ଅଭିଯୋଗ ଆସିଛି ହରିଚନ୍ଦନପୁର ଥାନା ଅଞ୍ଚଳରେ । ସୂଚନାନୁସାରେ, କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଅଞ୍ଚଳର ସତ୍ୟାପାଳ ଗାଁର ବିମ୍ବାଧର ପାତ୍ର ଗ୍ରାମରକ୍ଷୀ ଭାବେ କାର୍ଯ୍ୟ କରିନ୍ତି । କୌଣସି କାରଣକୁ ନେଇ ଶନିବାର ବିଳମ୍ବିତ ରାତିରେ କୌଣସି କାରଣ ଝଗଡ଼ା ଲାଗିଥିଲେ । ଝଗଡ଼ା ଉଗ୍ରରୂପ ନେବାରୁ ଗ୍ରାମରକ୍ଷୀ ବିମ୍ବାଧର ସ୍ତ୍ରୀ ଦୁଃଖୀ ପାତ୍ରଙ୍କୁ ବାଡ଼େଇ ବାଡ଼େଇ ମାରି ଦେଇଥିଲେ । ସକାଳୁ ପଡୋଶୀ ଲୋକ ଦୁଃଖୀ ପଡିଥିବାର ଦେଖି ତାଙ୍କୁ ନିକଟସ୍ଥ ମେଡିକାଲକୁ ନେଇଥିଲେ । ସେଠାରେ ଦୁଃଖୀକୁ ଡାକ୍ତର ମୃତ ଘୋଷଣା କରିଥିଲେ । ଖବର ପାଇ ହରିଚନ୍ଦନପୁର ପୁଲିସ ଥାନାରେ ଏକ ମାମଲା ଋଜୁ କରି ସଇତାନ ସ୍ୱାମୀ ବିମ୍ବାଧରକୁ ଗିରଫ୍ କରିବା ସହିତ ତଦନ୍ତ ଜାରି ରଖିଥିବା ସୂଚନା ମିଳିଛି ।