କରୋନା ମୃତ ଶବକୁ ସାଥ ଦେଲେନି ପରିବାର, ସାଥ ଦେଲେ ଉପଜିଲ୍ଲାପାଳ

ଭୁବନେଶ୍ୱର (ବାଘୁଆବାର୍ତ୍ତା): କରୋନାରେ ଜୀବନ ହାରିଥିବା ବୃଦ୍ଧଙ୍କ ଶବ ନେଲେ ନାହିଁ ପରିବାର ଲୋକେ । କୋଭିଡ ହସ୍ପିଟାଲରେ ମୃତଦେହ ପଡି ରହିବା ପରେ ଶବ ସତ୍କାର କଲେ ଗଂଜାମ ଉପଜିଲ୍ଲାପାଳ । ଗତ କାଲି ଝଡ ପବନ ପରେ କୋଭିଡ କେୟାର ସେଣ୍ଟରରେ କିଛି ସମୟ ପାଇଁ ବିଜୁଳି ବିଛେଦ ହୋଇଯାଇଥିଲା । ରୋଗୀ ସେବାରେ ବାଧା ପ୍ରାପ୍ତ ହୋଇଥିଲା । ଉପଜିଲ୍ଲାପାଳ ରାଜେନ୍ଦ୍ର ମିଂଜ କୋଭିଡ କେୟାର ସେଣ୍ଟରରେ ସ୍ଥିତି ଅନୁଧ୍ୟାନ କରୁଥିବା ବେଳେ ୬୫ ବର୍ଷିୟ କାଳିଚରଣ ସାହୁଙ୍କ ମୃତ୍ୟୁ ହୋଇଥିଲା । ମୃତ୍ୟୁ ପରେ ତାଙ୍କ ମୃତଦେହ ନେବାକୁ ରାଜି ହୋଇନଥିଲେ ପରିବାର ଲୋକ । ଦୀର୍ଘ ସମୟ ଧରି ମୃତଦେହ ଡାକ୍ତରଖାନାରେ ପଡି ରହିବା ପରେ ଉପଜିଲ୍ଲାପାଳ ରାଜେନ୍ଦ୍ର ମିଂଜ ତାଙ୍କ କିଛି କର୍ମଚାରୀଙ୍କ ସହଯୋଗରେ ଶବକୁ ମଶାଣିକୁ ନେଇଥିଲେ । ଯେଉଁ ମଶାଣିରେ କରୋନା ରୋଗୀଙ୍କ ଶବ ପୋଡିବା ପାଇଁ ଗାଁ ଲୋକ ମନା କରୁଥିଲେ ସେହି ମଶାଣିରେ ଶବ ସତ୍କାର କରି ସମାଜକୁ ଭିନ୍ନ ବାର୍ତ୍ତା ଦେଇଛନ୍ତି ଉପଜିଲ୍ଲାପାଳ ।