ହସ୍ପିଟାଲର ବାଟ ଭୁଲିଗଲା ଟ୍ୟାଙ୍କର:ଅକ୍ସିଜେନ୍ ନପାଇ ଚାଲିଗଲା ୭ଜୀବନ

ହାଇଦ୍ରାବାଦ, (ବାଘୁଆବାର୍ତ୍ତା): ଦେଶରେ ଗମ୍ଭୀର ପରିସ୍ଥିତି ଦେଇ ଗତି କରୁଛି । ଟିକିଏ ବିଳମ୍ବ ହେଲେ ଚାଲି ଯାଉଛି ଶହ ଶହ ଜୀବନ । ଏହି ଗମ୍ଭୀର ସ୍ଥିତିରେ ସୁଧାର ଆଣିବା ପାଇଁ ଉଭୟ ସରକାର ପ୍ରତଶତ ବଦ୍ଧ ହୋଇଥିଲେ ମଧ୍ୟ ଚାଲିଯାଉଛି ଜୀବନ । ହସ୍ପିଟାଲରେ ସଠିକ୍ ସମୟରେ ଅକ୍ସିଜେନ୍ ନପହଞ୍ଚିବାରୁ ୭ଜଣ ରୋଗୀଙ୍କ ଜୀବନ ଚାଲିଯାଇଛି । ଏଭଳି ପରିସ୍ଥିତି ଦେଖାଦେଇଛି ହାଇଦ୍ରାବାଦ କିଙ୍ଗ୍ କୋଟି ସରକାରୀ ହସ୍ପଟାଲରେ । ସୂଚନାନୁସାରେ, କିଙ୍ଗ୍ କୋଟି ସରକାରୀ ହସ୍ପଟାଲରେ କରୋନା ଆକ୍ରାନ୍ତ ରୋଗୀ ଚିକିତ୍ସିତ ହେଉଥିବା ବେଳେ ଅକ୍ସିଜେନର ଘୋର ।ଭାବ ଦେଖାଦେଇଥିଲା । ଯାହାଫଳରେ ହସ୍ପିଟାଲକୁ ଅକ୍ସିଜେନ୍ ନେଇ ଯାଉଥିବା ଏକ ଅକ୍ସିଜେନ୍ ଟ୍ୟାଙ୍କର ହସ୍ପିଟାଲର ବାଟ ଭୁଲିଯାଇଥିଲା । ବୁଲି ବୁଲି ଯାଇ ହସ୍ପିଟାଲରେ ବିଳମ୍ବରେ ପହଞ୍ଚିଲା ବେଳକୁ ୭ଜଣ ରୋଗୀଙ୍କ ଜୀବନ ଦୀପ ଲିଭିଯାଇଥିଲା । ମୃତ ବ୍ୟକ୍ତିମାନେ ଆଇସିୟୂରେ ଚିକିତ୍ସିତ ହେଉଥିବା ସୂଚନା ମିଳିଛି ।