ମୁମ୍ବାଇ (ବାଘୁଆବାର୍ତ୍ତା): କରୋନା ଆକ୍ରାନ୍ତ ହୋଇଛନ୍ତି ବଲିଉଡ ଅଭିନେତ୍ରୀ କଙ୍ଗନା ରାଣାୱତା । ସେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟ ଜରିଆରେ ଏହି ସୂଚନା ଦେଇଛନ୍ତି । କଙ୍ଗନା ଲେଖିଛନ୍ତି ଯେ କିଛି ଦିନ ହେଲା ତାଙ୍କୁ ଦୁର୍ବଳ ଲାଗୁଥିଲା । ଥକା ବି ଲାଗୁଥିଲା ତା’ ସହିତ ଆଖି ପୋଡିଲା ଭଳି ଅନୁଭବ ହେଉଥିଲା । ତାଙ୍କର ହିମାଚଳ ପ୍ରଦେଶ ଯିବାର ଥିଲା । ତେଣୁ ଗତକାଲି କରୋନା ଟେଷ୍ଟ କରାଇଥିଲେ । ଆଉ ଆଜି ରିପୋର୍ଟ ପଜିଟିଭ ଆସିଛି । କଙ୍ଗନା ଆହୁରି ଲେଖିଛନ୍ତି ଯେ ସେ ଏବେ କ୍ୱାରେଣ୍ଟାଇନରେ ଅଛନ୍ତି । ସେ ଜାଣି ନଥିଲେ ଯେ କରୋନା ଭାଇରସ ତାଙ୍କ ଶରୀରେ ପାର୍ଟି କରୁଥିଲା । ବର୍ତ୍ତମାନ ସେ ଜାଣିଯାଇଛନ୍ତି । ଏଣୁ ଭୂତାଣୁକୁ ଧ୍ୱଂସ କରିଦେବେ ।
