ମୁମ୍ବାଇ (ବାଘୁଆବାର୍ତ୍ତା): ହରଡଘଣାରେ ଦ କପିଲ ଶର୍ମା ଶୋ’ ଫେମ କମେଡିଆନ ସୁଗନ୍ଧା ମିଶ୍ର । ବିବାହର ମାତ୍ର ୯ ଦିନ ପରେ ତାଙ୍କ ନାଁରେ ମାମଲା ରୁଜୁ କରିଛି ପୋଲିସ । ସୁଗନ୍ଦା ମିଶ୍ର ଏବଂ ସିଙ୍କେତ ଭୋଷଲେ ୯ ଦିନ ପୂର୍ବରୁ ବିବାହ କରିଛନ୍ତି । କିନ୍ତୁ କରୋନା କାଳରେ ହୋଇଥିବା ବାହାଘର ଭୋଜିରେ କରୋନା ନିୟମ ଉ୍ଲ୍ଲଂଘନ ନେଇ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରିଥିବା କୁହାଯାଉଛି । ଗୁରୁବାର ଫଗୱାଡା ଥାନାରେ ସୁଗନ୍ଧାଙ୍କ ବିରୋଧରେ ମାମଲା ହୋଇଛି । ସେପଟେ କେବଳ ପରିବାର ଲୋକଙ୍କ ଉପସ୍ଥିତିରେ ବିବାହ ସଂପ୍ନ ହୋଇଥିବା ସୁଗନ୍ଧା ଏବଂ ସଂକେତ କହିଛନ୍ତି । କିନ୍ତୁ ତାଙ୍କ ବିବାହ ଭୋଜିରେ ଅନୁମତିଠୁ ଅଧିକ ସଂଖ୍ୟକ ଲୋକ ଉପସ୍ଥିତ ଥିବା ନେଇ ଅଭିଯୋଗ ହୋଇଛି । ସୁଗନ୍ଧାଙ୍କ ବ୍ୟତୀତ ବିବାହ ହୋଇଥିବା ହୋଟେଲ କର୍ତ୍ତୁପକ୍ଷଙ୍କ ବିରୋଧରେ ପୋଲିସ ମାମଲା ରୁଜୁ କରିଛି । ପୋଲିସ ଏଯାଏ କାହାକୁ ଗିରଫ କରିନାହିଁ । ସୁଗନ୍ଧାଙ୍କ ବିବାହ ବେଳର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୋଲିସ । ଜଳନ୍ଧରରେ ଯେଉଁ ହୋଟେଲରେ ସୁଗନ୍ଧାଙ୍କ ବିବାହ ହୋଇଥିଲା । ସେଠାକର ମ୍ୟାନେଜମେଣ୍ଟ ବିରୋଧରେ ଏଫଆଇଆର ମଧ୍ୟ ରୁଜୁ ହୋଇଛି । ୯ ଦିନ ପୂର୍ବରୁ ୨୬ ଏପ୍ରିଲରେ କ୍ଳବ କୱାନା ରିଜୋର୍ଟରେ ସୁଗନ୍ଧା ନିଜର ପୁରୁଷ ବନ୍ଧୁ ସଂକେତ ଭୋଷଲେଙ୍କୁ ବିବାହ କରିଛନ୍ତି । ଏହି ବିବାହରେ ସାମିଲ ହୋଇଥିବା ସମସ୍ତ ଅତିଥିଙ୍କୁ ୨୪ ଘଣ୍ଟା କ୍ୱାରେଣ୍ଟାଇନରେ ରଖାଯାଇଥିଲା । ବିବାହ ପୂର୍ବରୁ ଏକ ସାକ୍ଷାତକାରରେ ସୁଗନ୍ଧା କହିଥିଲେ, ସେ ତାଙ୍କ ବିବାହ ଧୁମଧାମରେ କରିବାକୁ ଚାହୁଁଥିଲେ କିନ୍ତୁ କରୋନା ଯୋଗୁ ଏହା ସମ୍ଭବ ନୁହେଁ ନିଜ ବିବାହ ପାଇଁ ସମସ୍ତ ସପିଂ ସୁଗନ୍ଧା ଅନଲାଇନରୁ କରିଥିଲେ ।
