ବଡ଼ମ୍ବା, (ବାଘୁଆବାର୍ତ୍ତା): ମହାମାରୀ କରୋନା ଦ୍ୱିତୀୟ ଲହରୀ ସମଗ୍ର ଦେଶ ଗ୍ରାସ କରି ଚାଲିଥିବା ବେଳେ ବଡ଼ମ୍ବା ଅଞ୍ଚଳରୁ ପ୍ରଥମ ମୃତ ହୋଇଥିବା ଜଣାପଡିଛି । ସୂଚନାନୁସାରେ, କଟକ ଜିଲ୍ଲା ବଡ଼ମ୍ବା ବ୍ଲକ୍ ଅନ୍ତର୍ଗତ ଇଚ୍ଛାପୁର ଗ୍ରାମର ଜଣେ ୬୧ବର୍ଷିୟ ମହିଳା କିଛିଦିନ ତଳେ ମହାମାରୀ କରୋନାରେ ସଂକ୍ରମିତ ହୋଇଥିଲେ । ଆଜି ଉକ୍ତ ମହିଳାଙ୍କର ମୃତ୍ୟୁ ହୋଇଥିଲା । ତେବେ ପରିବାର ପକ୍ଷରୁ ଶବ ନେବା ପାଇଁ ରାଜି ନହେବାରୁ ବଡ଼ମ୍ବା ତହସିଦାର ଦେବଦତ୍ତ ମହାନ୍ତ ଓ ମାଣିଆବନ୍ଧ ମେଡିକାଲ ଅଧିକାରୀଙ୍କ ଉପସ୍ଥିତିରେ ଇଚ୍ଛାପୁର ସରପଞ୍ଚ ତଥା ଯୁବ ସମାଜସେବୀ ଚିନ୍ତାମଣି ସାମଲଙ୍କ ସହଯୋଗରେ ଶବଦାହ କରାଯାଇଥିବା ସୂଚନା ମିଳିଛି । କରୋନାରେ ମହିଳାଙ୍କ ମୃତ୍ୟୁ ହେବା ପରେ ଉକ୍ତ ଅଞ୍ଚଳରେ ଭୟର ବାତାବରଣ ଖେଳିଯାଇଛି ।
