କ୍ରାଇମବ୍ରାଞ୍ଚ ଏସଟି ହାତରେ ୨ ଆନ୍ତଃରାଜ୍ୟ ବନ୍ଧୁକ ବେପାରୀ

ଭୁବନେଶ୍ୱର (ବାଘୁଆବାର୍ତ୍ତା): କ୍ରାଇମବ୍ରାଞ୍ଚ ଏସଟିଏଫ ହାତରେ ୨ ଆନ୍ତଃରାଜ୍ୟ ବନ୍ଧୁକ ବେପାରୀ । ସେମାନଙ୍କ ଠାରୁ ୫ଟି ବନ୍ଧୁକ ଏସଟିଏଫ ଜବତ କରିଛି । ଗିରଫ ୨ ଅଭିଯୁକ୍ତ ହେଲେ ବିହାର ମୁଙ୍ଗେର ଅଞ୍ଚଳର ରବୀନ୍ଦ୍ର ପ୍ରସାଦ ଓ ବାଲେଶ୍ୱର ଜିଲ୍ଲା ଶ୍ରୀକୃଷ୍ଣପୁର ଗ୍ରାମର ବିଶ୍ୱନାଥ ବିଶୋୟୀ । ଭଦ୍ରକ ଜିଲ୍ଲା ରାଣୀତାଲ ନିକଟରେ ବନ୍ଧୁକ କାରବାର ଚାଲିଥିବା ଖବର ପାଇ କ୍ରାଇମବ୍ରାଞ୍ଚ ଏସଟିଏଫ ଚଢ଼ାଉ କରିଥିଲା । ସେଠାରେ ୫ଟି ୭ଏମଏମ ବନ୍ଧୁକ, ୭ଟି ମାଗାଜିନ ଓ ୭ ଅଫୁଟା ଗୁଳି ଏସଟିଏଫ ଜବତ କରିଛି । ଏଥିସହ ୨ ଜଣ ଗିରଫ କରିଛି । ଗତବର୍ଷକ ଭିତରେ ବେଆଇନ ବନ୍ଧୁକ କାରବାର ମାମଲାରେ ଏସଟିଏଫ ୨୭ଟି ବନ୍ଧୁକ ଓ ୬୧ଟି ଗୁଳି ଜବତ କରିଛି ।