ନାବାଳିକାକୁ ଅପହରଣ କରି ପାଞ୍ଚଦିନ ବଳପୂର୍ବକ ଦୁଷ୍କର୍ମ: ପୀଡିତାକୁ ଉଦ୍ଧାର କଲେ ଗ୍ରାମବାସୀ, ଅଭିଯୁକ୍ତ ଗିରଫ

ଭୁବନେଶ୍ୱର (ବାଘୁଆବାର୍ତ୍ତା): ନାବାଳିକାକୁ ଅପହରଣ ପରେ ପାଞ୍ଚ ଦିନ ଧରି ପାଣି ଟାଙ୍କିରେ ଭିତରେ ଦୁଷ୍କର୍ମ କରୁଥିଲା ଅଭିଯୁକ୍ତ । ମୁମୂର୍ଷୁ ଅବସ୍ଥାରେ ନାବାଳିକାକୁ ଉଦ୍ଧାର କଲେ ଗ୍ରାମବାସୀ । ଏଭଳି ଅଭାନୀୟ ଘଟଣା ଚାନ୍ଦୁଆ ଥାନା ଅନ୍ତର୍ଗତ ଝାଲିଆମରା ଗ୍ରାମର ଘଟିଛି । ଜନୈକା ନାବାଳିକାକୁ ଦୁଷ୍କର୍ମ କରିଥିବା ନେଇ ଅଭିଯୋଗ ପରେ ଯୁବକକୁ ଗିରଫ କରି କୋର୍ଟ ଚାଲାଣ କରିଛି ପୁଲିସ । ସୂଚନାନୁସାରେ, ଜୈନିକା ନାବାଳିକାକୁ ଏହି ଥାନା ଅନ୍ତର୍ଗତ ରଙ୍ଗାମାଟିଆ ଗ୍ରାମର ବାହାଦୁର ଚପେୟାର (୨୦) ଅପହରଣ କରି ଏହି ଥାନା ଅନ୍ତର୍ଗତ ବାଘୁଆଶୋଳରେ ଥିବା ଏକ ପାଣିଟାଙ୍କିରେ ରଖି ପାଞ୍ଚଦିନ ଧରି ସେଠାରେ ତାକୁ ଦୁଷ୍କର୍ମ କରିଥିଲା । ନାବାଳିକାର ବାପା ଚାରିଆଡେ ଖୋଜାଖୋଜି ପରେ ନପାଇବାରୁ ଚାନ୍ଦୁଆ ଥାନାରେ ଲିଖିତ ଅଭିଯୋଗ କରିଥିଲେ । ନାବାଳିକାର ପାଟି ଶୁଣି ସ୍ଥାନୀୟ ଲୋକେ ଘଟଣା ବିଷୟରେ ଜାଣି ଥାନାକୁ ଖବର ଦେଇଥିଲେ । ଖବର ପାଇ ଚାନ୍ଦୁଆ ପୁଲିସ ଘଟଣାସ୍ଥଳରେ ପହଞ୍ଚି ମୁମୂର୍ଷୁ ଅବସ୍ଥାରେ ନାବାଳିକାକୁ ଉଦ୍ଧାର କରି ଚିକିତ୍ସା ନିମନ୍ତେ ବାରିପଦାସ୍ଥିତ ପିଆରଏମ ମେଡିକାଲକୁ ପଠାଇବା ସହ ନାବାଳିକାର ପରିବାର ଲୋକଙ୍କୁ ଖବର ଦେଇଥିଲେ । ନାମାଳିକା ଜଣକ ଦୁଷ୍କର୍ମ ବିଷୟରେ ପରିବାର ଲୋକଙ୍କୁ ଜଣାଇଥିଲେ । ପୁଲସି ଗତକାଲି ଅଭିଯୁକ୍ତକୁ ଗିରଫ କରି ଡାକ୍ତରଖାନାରେ ଡାକ୍ତରୀମାଇନା କରିିବା ପରେ କୋର୍ଟଚାଲାଣ କରିଥିଲା । ପୀଡିତା ଜଣକ ସଂକଟାପନ୍ନ ଅବସ୍ଥାରେ ଥିବା ଜଣାପଡିବା ପରେ ଆଜି କଟକ ବଡଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛଇ । ଏନେଇ ଥାନା କେସ ନଂ୪୮/୨୧ ଧାରା ୩୬୩, ୩୪୨, ୩୭୬ ପସ୍କୋ ଧାରା ଅନୁସାରେ ମାମଲା ରୁଜୁ କରି ତଦନ୍ତ ଚଳାଇଥିବା ଜଣାପଡିଛି ।