ଭୁବନେଶ୍ୱର,(ବାଘୁଆବାର୍ତ୍ତା): ଆଇଏଫଏସ ଅଭୟକାନ୍ତ ପାଠକଙ୍କୁ ବାଧ୍ୟତାମୂଳକ ଅବସର । ରାଜ୍ୟ ସରକାରଙ୍କ ସୁପାରିଶ ଉପରେ ମୋହର ମାରିଛନ୍ତି ରାଷ୍ଟ୍ରପତି । ୧୯୮୭ ବ୍ୟାଚର ଆଇଏଫଏସ ଅଭୟକାନ୍ତ ପାଠକ ସରକାରୀ ପଦବୀର ଅପବ୍ୟବହାର ସହ ଆୟ ବହିର୍ଭୁତ ଠୁଳ ଅଭିଯୋଗ ଥିଲା । ତାଙ୍କ ଅବସର ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଷ୍ଟ୍ରପତିଙ୍କ ନିକଟରେ ସୁପାରିସ କରିଥିଲେ । ସୂଚନାନୁସାରେ, ପୁଅ ଆକାଶ ପାଠକଙ୍କୁ ନକଲି ଟାଟା କମ୍ପାନିର ଏମଡି ହେବା ପାଇଁ କହିଥିଲେ ଅଭୟକାନ୍ତ ପାଠକ । ସ୍କାଇକିଙ୍ଗ ଠକେଇ ମାମଲାରେ ଦୁଇ ଦିନ ରିମାଣ୍ଡରେ ମଧ୍ୟ ଯାଇଥିଲେ ଅଭୟା ୬୫ ଲକ୍ଷ ଟଙ୍କାର ଠକେଇ ମାମଲାରେ ସାମିଲ ମଧ୍ୟ ଥିଲେ । ୨୦୧୬ ମସିହାରେ ତାଙ୍କ ପୁଅ ଆକାଶ ପାଠକ ପୁନେ ଡିଭିଜନରେ ଥିବା ଟାଟା ମୋଟରସର ମ୍ୟାନେଜିଙ୍ଗ ଡାଇରେକ୍ଟର ଭାବେ ସମସ୍ତଙ୍କୁ ପରିଚୟ ଦେଉଥିଲେ ।
