ଗ୍ୟାସ ଲିକରୁ ଅଗ୍ନିକାଣ୍ଡ, ଲକ୍ଷାଧିକ କ୍ଷତି, ପହଞ୍ଚିଲେ ରାଜନେତା

ଭୁବନେଶ୍ୱର (ବାଘୁଆବାର୍ତ୍ତା): ନରସିଂହପୁର ବ୍ଲକ ଅନ୍ତର୍ଗତ ଗଣଗଣା ଗ୍ରମ ମଲ୍ଲିକ ସାହିରେ ଶୁକ୍ରବାର ବିଳମ୍ବିତ ରାତିରେ ଗ୍ୟାସ ଲିକ ରୁ ଅଗ୍ନିକାଣ୍ଡ । ଏଥିରେ ଅଜୟ ମଲ୍ଲିକ, ପ୍ରଦୀପ ମଲ୍ଲିକ, ସୁରେଶ ମଲ୍ଲିକ ତିନି ପରିବାର ଚାରି ବଖରା ଘର ଜଳିଯାଇଛି । ଏହା ସହିତ ଘରେ ଥିବା ସମସ୍ତ ଆସବାବ ପତ୍ର ପୋଡି ପାଉଁଶ ହୋଇଯାଇଛି । ଅଜୟ ମଲ୍ଲିକଙ୍କ ପରିବାର ଶୁକ୍ରବାର ରାତିରେ ଶେଇଥିବା ସମୟରେ ଗ୍ୟାସ ଲିକ ରୁ ଅଗ୍ନିକାଣ୍ଡ ଘଟି ହଠାତ ଘର ଜଳି ଯାଇଥିଲା ଜୀବନ ବିକଳରେ ପରିବାର ଲୋକେ ଯଦିଓ ଜୀବନ ବଞ୍ଚାଇ ବାହାରକୁ ପଳେଇ ଆସିଥିଲେ । କିନ୍ତୁ ଘରେ ଥିବା ନଗଦ ୪୫ ହଜାର ଟଙ୍କା, ଦଶ ଭରି ରୁପା, ଗୋଟିଏ ଲାପଟପ, ପିଲାଙ୍କର ସମସ୍ତ ସାର୍ଟିଫିକେଟ ସହ ଗୁରୁତ୍ୱପୂର୍ଣ୍ଣ କାଗଜ ପତ୍ର, ଧାନ ଚାଉଳ, ଲୁଗାପଟା, ବାସନ କୁସନ ଘରର ସମସ୍ତ ଆସବାବପତ୍ର ଜଳି ପୋଡି ପାଉଁଶ ହୋଇଯାଇଛି । ଗ୍ୟାସ ଟାଙ୍କି ଫାଟିବାରୁ ପ୍ରଚଣ୍ଡ ଶବ୍ଦ ହେବା ସହ ସିଲିଣ୍ଡର ଅଧା ଅଂଶ ଏବେ ମଧ୍ୟ ମିଳି ନାହିଁ । ଖବର ପାଇ ବିଧାୟକ ଦେବୀ ପ୍ରସାଦ ମିଶ୍ର, ବ୍ଳକ ଅଧ୍ୟକ୍ଷ କିଶୋର ଚନ୍ଦ୍ର ମିଶ୍ର ଅଗ୍ନି ବିପନ୍ନଙ୍କର ପରିବାର ପାଖରେ ପହଞ୍ଚି ସମବେଦନା ଜଣାଇବା ପାଇଁ ଆବଶ୍ୟକୀୟ ସରକାରୀ ସୁବିଧା ସୁଯୋଗ ଯୋଗାଇ ଦେବା ପାଇଁ ପ୍ରଶାସନ କୁ ନିର୍ଦ୍ଦେଶ ଦେଇଥିଲେ । ଅଜୟଙ୍କ ପରିବାର ସମ୍ପୂର୍ଣ୍ଣ ବେସାହାରା ହୋଇଯାଇଛି । ଅଗ୍ନି ବିପନ୍ନ ପରିବାରକୁ ତୁରନ୍ତ ଆବଶ୍ୟକୀୟ ସରକାରୀ ସୁବିଧା ଯୋଗାଇ ଦେବାକୁ ଦାବୀ ହେଉଛି ।