ନୟାଗଡ଼, (ବାଘୁଆବାର୍ତ୍ତା): ରାଜ୍ୟରେ ହୁ ହୁ ହୋଇ କରୋନା ସଂକ୍ରମିତଙ୍କ ସଂଖ୍ୟା ବଢି ଚାଲିଥିବା ବେଳେ ମୃତ୍ୟୁ ସଂଖ୍ୟା ମଧ୍ୟ ଦୈନିକ ବୃଦ୍ଧି ପାଉଛି । ଏହାକି ଦୃଷ୍ଟିରେ ରଖି ରାଜ୍ୟ ସରକାର ଆଜି ଆସନ୍ତା ୫ତାରିଖରୁ ରାଜ୍ୟକୁ ସଟଡାଉନ୍ କରିବା ନେଇ ଘୋଷଣା କରିଛନ୍ତି । ଏହି ସଟଡାଉନ ଜାରି ଭିତରେ ପିପିଲି ଉପ-ନିର୍ବାଚନ ନେଇ ମୁଖ୍ୟ ଶାସନ ସଚିବ ସ୍ପଟିକରଣ ଦେଇଛନ୍ତି । ସ୍ପଟ କରିଛନ୍ତି ଯେ, ପିପିଲି ଉପ-ନିର୍ବାଚନ ପାଇଁ ପ୍ରଚାର ଓ ଅନ୍ୟାନ୍ୟ କାର୍ଯ୍ୟ ଉପରେ ଅଙ୍କୁଶ ଲାଗିଥିବା ବେଳେ କୋଭିଡ୍-୧୯ କଟକଣା ଭିତରେ ପିପିଲି ଭୋଟ୍ ହେବାକୁ ନେଇ ଅନୁମତି ମିଳିଛି । ନିର୍ବାଚନ ପ୍ରକ୍ରିୟାକୁ ଲକଡାଉନରୁ ବାଦ ଦିଆଯାଇଛି । ଉକ୍ତ ଅଞ୍ଚଳରେ ନୂଆ କଟକଣା ଲାଗୁହେବ ନାହିଁ । ଏହି ସମୟରେ ନିର୍ବାଚନ କାର୍ଯ୍ୟରେ ନିୟୋଜିତ ଥିବା ଅଧିକାରୀ, ଏଜେଣ୍ଟ. ପୋଲିଂ, ଦଳୀୟ ପ୍ରାର୍ଥୀଙ୍କ ଗସ୍ତ ଉପରେ ରୋକ୍ ଲାଗିବ ନାହିଁ । ଆସନ୍ତା ମେ ୧୬ତାରିଖରେ ପିପିଲି ଉପନିର୍ବାଚନ ପାଇଁ ଭୋଟ ଗ୍ରହଣ ହେବାକୁ ଥିବାବେଳେ ୧୯ତାରିଖରେ ଭୋଟ ଗଣତି କରାଯାଇ ଫଳ ପ୍ରକାଶ ପାଇବ ବୋଲି ଜଣାପଡିବ ।
