ଭୁବନେଶ୍ୱର (ବାଘୁଆବାର୍ତ୍ତା): ସରକାରୀ ଖାତାରୁ ଟଙ୍କା ଗାଏବ । ହଜାରେ କି ଦୁଇ ହଜାର ନୁହେଁ ୫ କୋଟିରୁ ଉଦ୍ଧ୍ୱର୍ ଟଙ୍କା । ବିଭାଗୀୟ ମୁଖ୍ୟଙ୍କ ଅଜାଣତରେ ଏତେ ଟଙ୍କା ଗାୟବ ହୋଇଥିବା ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ସୁବର୍ଣ୍ଣପୁର ସ୍ୱାସ୍ଥ୍ୟ ବିଭାଗର ଏନଏଚଏମ ବିଭାଗର ଆକାଉଣ୍ଟାଟଣ୍ଟ ବ୍ୟାଙ୍କରୁ ଯାଇ ମାସିକିଆ ଆକାଉଣ୍ଟ ଷ୍ଟେଟମେଣ୍ଟ ମାଗିଥିବାବେଳେ ୫ କୋଟିରୁ ଉଦ୍ଧ୍ୱର୍ ଟଙ୍କା ନଥିବା ଜଣା ପଡ଼ିଥିଲା । ରାଉରକେଲାର କୌଣସି ଏକ ଆକାଉଣ୍ଟକୁ ୫ କୋଟି ୧ ଲକ୍ଷ ୫୦ ହଜାର ଟଙ୍କା ଟ୍ରାନ୍ସଫର ହୋଇଥିବା ଜଣା ପଡ଼ିଛି । ଏନେଇ ସ୍ୱାସ୍ଥ୍ୟ ବିଭାଗ ପକ୍ଷରୁ ମାମଲା ଦାୟର କରିଥିବା ଜିଲ୍ଲା ମୁଖ୍ୟ ଚିକିତ୍ସା ଓ ଜନ ସ୍ୱାସ୍ଥ୍ୟ ଅଧିକାରୀ କହିଛନ୍ତି । ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଧିକାରୀଙ୍କ ଅଜାଣତରେ ୫ କୋଟି ୧ ଲକ୍ଷ ୫୦ ହଜାର ଟଙ୍କା ସରକାରୀ ଆକାଉଣ୍ଟରୁ ଗାୟବ ହୋଇଥିବା ବେଳେ ଏନେଇ ଜିଲ୍ଲା ସିଡିଏମପିଏଚ ଓ କ୍ରାଇମ ବ୍ରାଞ୍ଚ କଟକ ସହିତ ଜିଲ୍ଲା ଆରକ୍ଷୀ ଅଧିକ୍ଷକଙ୍କଠାରେ ଲିଖିତ ଅଭିଯୋଗ କରିଛନ୍ତି । ଗତକାଲି ଏନଏଚଏମ ବିଭାଗର ଆକାଉଣ୍ଟାଟ ଭାରତୀୟ ଷ୍ଟେଟ ବ୍ୟାଙ୍କ ସୁବର୍ଣ୍ଣପୁର ଶାଖାରୁ ଯାଇ ମାସିକିଆ ଆକାଉଣ୍ଟାଟ ଷ୍ଟେଟମେଣ୍ଟମାଗିଥିବାବେଳେ ୫ କୋଟିରୁ ଉର୍ଦ୍ଧ ଟଙ୍କା ନଥିବା ଜଣା ପଡିଥିଲା । ଏନେଇ ବିଭାଗୀୟ ମୁଖ୍ୟଙ୍କୁ କହିବା ପରେ ସ୍ୱାସ୍ଥ୍ୟ ବିଭାଗ ପକ୍ଷରୁ ତନାଘନା କରାଯାଇଥିଲା । ପରେ ଜଣା ପଡିଛି ଯେ କୌଣସି ଏକ ଆକାଉଣ୍ଟାଟକୁ ୫ କୋଟି ୧ ଲକ୍ଷ ୫୦ହଜାର ଟଙ୍କା ଟ୍ରାନ୍ସଫର ହୋଇଛି । ତେବେ ଟଙ୍କା ରାଉରକେଲାର ଏକ ଆକାଉଣ୍ଟକୁ ଯାଇଥିବା ସିଡିଏମପିଏଚଓ ସୁଚନା ଦେଇଛନ୍ତି । ଏହି ଟଙ୍କା ଗାୟବ ହୋଇଥିବା ଜଣା ପଡିଲା ପରେ ସ୍ୱାସ୍ଥ୍ୟ ବିଭାଗ ପକ୍ଷରୁ କଟକ କ୍ରାଇମବ୍ରାଞ୍ଚ ଓ ସୁବର୍ଣ୍ଣପୁର ଆରକ୍ଷୀ ଅଧିକ୍ଷକଙ୍କୁ ଲିଖିତ ଅଭିଯୋଗ କରିଛନ୍ତି । ସେହିପରି ନିଜ ବିଭାଗରେ ମଧ୍ୟ ତନାଘନା ଜାରି ରହିଥିବା ଜଣା ପଡିଛି । ଅପରପକ୍ଷେ ଘଟଣାର ସିଡିଏମପିଏଚଓଙ୍କ ଲିଖିତ ଅଭିଯୋଗକୁ ନେଇ ତଦନ୍ତ ଜାରି ରହିଛଇ ତଦନ୍ତ ପରେ ପ୍ରକୃତ ରହସ୍ୟ ଜଣା ପଡିବ ବୋଲି ସୁଚନା ଦେଇଛନ୍ତି ଜିଲ୍ଲା ଆରକ୍ଷୀ ଅଧିକ୍ଷକ । ଆଶ୍ଚର୍ଯ୍ୟ କଥା ଏତେ ବଡ ରକମର ଟଙ୍କା କିଭଳି ଅନ୍ୟ ଆକାଉଣ୍ଟକୁ ଟ୍ରାନ୍ସଫର ହେଲା ଏବଂ ଏହା ବିଭାଗୀୟ ଅଧିକାରୀ କିଭଳି ଜାଣି ପାରିଲେ ନାହିଁ ତାହା ଏବେ ସମସ୍ତଙ୍କ ମନରେ ପ୍ରଶ୍ନବାଚୀ ସୃଷ୍ଟି କରୁଛି ।
ସରକାରୀ ଖାତାରୁ ୫ କୋଟି ଗାଏବ, କ୍ରାଇମବ୍ରାଞ୍ଚକୁ ଚିଠି ଲେଖିଲେ ସିଡିଏମ
