ଭୁବନେଶ୍ୱର, (ବାଘୁଆବାର୍ତ୍ତା): ରାସ୍ତାରୁ ପୁଣି ମିଳିଲା ଯୁବକଙ୍କ କ୍ଷତବିକ୍ଷତ ମୃତ ଦେହ । ଏହାକୁ ନେଇ ଚାଞ୍ଚଲ୍ୟ ଖେଳି ଯାଇଛି ରାଜଧାନୀର ଅନ୍ଧାରୁଆ ଅଞ୍ଚଳରେ । ସୂଚନାନୁସାରେ, ରାଜଧାନୀ ଉପକଣ୍ଠରେ ଆଜି ସକାଳ ସମୟରେ ରାସ୍ତା କଡ଼ରେ ଏକ କ୍ଷତବିକ୍ଷତ ଯୁବକଙ୍କ ମୃତ ଦେହ ପଡିଥିବା ସ୍ଥାନୀୟ ଲୋକ ଦେଖିଥିଲେ । ସ୍ଥାନୀୟ ଲୋକ ଦେଖିବା ପରେ ଚନ୍ଦକା ପୁଲିସକୁ ଖବର ଦେଇଥିଲେ । ଚନ୍ଦକା ପୁଲିସ ଖବର ପାଇ ଘଟଣାସ୍ଥଳରେ ଯୁବକଙ୍କ ମୃତ ଦେହ ଜବତ କରିଛି ଏବଂ ଆଉ କିଛି ଦୂରରେ ଯୁବକଙ୍କ ଏକ କଟା ହାତ ମଧ୍ୟ ଜବତ କରିଛି । ସେହିପରି ମୃତ ଦେହ ପାଖରେ ଏକ ଦାମୀ ବାଇକ୍ ପଡିଥିବା ବେଳେ ପୁଲିସ ଏହାକୁ ଜବତ କରିବା ସହିତ ମୃତ ଯୁବକଙ୍କ ଶବ ବେବଚ୍ଛେଦ କରିବା ପାଇଁ କ୍ୟାପିଟାଲ ହସ୍ପିଟାଲକୁ ପଠାଇଥିବା ଜଣାପଡିଛି । ମୃତ ଯୁବକର ପରିଚୟ ମିଳିନଥିବା ବେଳେ ଚନ୍ଦକା ପୁଲିସ ଏକ ମାମଲା ଋଜୁ କରି ତଦନ୍ତ ଆରମ୍ଭ କରିଛି ।
