ପ୍ରଭୁ ଡ଼ଙ୍କନାଶନ ଜୀଉଙ୍କ ନୂତନ ବିଗ୍ରହଙ୍କ ସିଂହାସନ ଆରୋହଣ

ଓଡ଼ଗାଁ(ବାଘୁଆବାର୍ତ୍ତା): ଓଡ଼ଗାଁ ବ୍ଲକ କୋମଣ୍ଡରେ ବିଜେ ଶ୍ରୀ ଶ୍ରୀ ଡଙ୍କନାଶନ ଜୀଉଙ୍କ ନୂତନ ବିଗ୍ରହଙ୍କ ସିଂହାସନ ଆରୋହଣ ଉତ୍ସବ ଆଜି ଅନୁଷ୍ଠିତ ହୋଇଯାଇଛି ।
ଦୀର୍ଘ ୬୦୦ବର୍ଷରୁ ଉର୍ଦ୍ଧ୍ବ ହେବ ଡଙ୍କନାସନ ନାମରେ ପରିଚିତ ଶ୍ରୀ ଶ୍ରୀ ଦଧିବାମନ ଜୀଉଙ୍କ ବିଗ୍ରହରେ ଫେବୃଆରୀ ୧୧ତାରିଖରେ ନିଆଁଲାଗି ପୋଡିଯାଇଥିଲେ ।ଏହାର ପ୍ରତିକାରପାଇଁ ଗ୍ରାମବାସୀ ପୁରୀ ମୁକ୍ତିମଣ୍ଡପର ପରାମର୍ଶ ନେବାପରେ ପଣ୍ଡିତ ମହାସଭା (ବିଧାନକମିଟିର)ବରିଷ୍ଠ ସଭ୍ୟ ପଣ୍ଡିତ ବିଚିତ୍ରାନନ୍ଦ ମିଶ୍ର,ଉଦ୍ୟନାଥ ମହାପାତ୍ର ଓ ନାଗା ବାବାଙ୍କ ଉପସ୍ଥିତି ରେ ଦାରୁ ଚୟନ କରାଯାଇ ମାର୍ଚ୍ଚ ୧ ତାରିଖରେ ଦାରୁ ଛେଦନ କାର୍ଯ୍ୟ ଶେଷ ହୋଇଥିଲା । ପୁରୀରୁ ଆସିଥିବା ସ୍ୱତନ୍ତ୍ର କାରିଗରମାନଙ୍କ ଦ୍ୱାରା ନୂତନ ବିଗ୍ରହଙ୍କ ନିର୍ମାଣ କାର୍ଯ୍ୟ ଚାଲିରହିଥିବା ବେଳେ ୧୮ତାରିଖରୁ ଅଙ୍କୁରାରୋପଣ ଓ ସମସ୍ତ ନିତିକାନ୍ତି ସମ୍ପର୍ଣ୍ଣ ହୋଇଯାଇଥିଲା ।ଆଜି ସକାଳୁ ସମସ୍ତ ନୀତିକାନ୍ତି ସମ୍ପନ୍ନ ସହକାରେ ଏକ ଆଧ୍ୟାତ୍ମିକ ଏବଂ ଧାର୍ମିକ ପରିବେଶ ଅନୁକୂଳ ବାତାବରଣ ମଧ୍ୟରେ ଶ୍ରଦ୍ଧାଳୁଙ୍କ ହୁଳହୁଳି ଏବଂ ଘଣ୍ଟା ଘଣ୍ଟ ମଧ୍ୟରେ ପ୍ରଭୁ ସିଂହାସନରେ ବିରାଜମାନ ହୋଇଥିଲେ ।ନବକଳେବର କମିଟି ,ଗ୍ରାମବାସୀ ଏବଂ ସରପଞ୍ଚ ସୁଶାନ୍ତ ଦଳେଇଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ସମସ୍ତ କାର୍ଯ୍ୟ ସୁଚାରୁରୂପେ ଶାନ୍ତି ସହକାରେ ସମାପନ ହୋଇଥିଲା ।