ଓଡ଼ଗାଁ(ବାଘୁଆବାର୍ତ୍ତା) : ଓଡ଼ଗାଁ ଆଦର୍ଶ ଥାନା ବାହାଡ଼ଝୋଲା ପଞ୍ଚାୟତ ଅନ୍ତର୍ଗତ ଚୌଧୁରୀସାହିର ଜଣେ ବୃଦ୍ଧାଙ୍କର ଆଜି ଅପରାହ୍ନରେ କୂଅରେ ପଡି ମୃତ୍ୟୁ ଘଟିଅଛି।ମୃତକ ବୃଦ୍ଧାଙ୍କ ନାମ ଧୋବଣୀ ସାହୁ(୮୦)ଅଟେ।ସୂଚନା ଅନୁଯାୟୀ ଗତକାଲି ବୃଦ୍ଧାଜଣଙ୍କ ନିଜ ଝିଅଘରୁ ଫେରିଥିଲେ ହେଲେ ଆଜି ହଠାତ ତାଙ୍କର ମୃତ୍ୟୁ ଅଞ୍ଚଳବାସୀଙ୍କ ମନରେ ସନ୍ଦେହ ସୃଷ୍ଟି କରିବା ସହ ପରିବାରଲୋକଙ୍କୁ ସନ୍ଦେହଘେରକୁ ଆଣିଅଛି ।ବିଶେଷ ସୂତ୍ରରୁ ଖବର ପାଇ ଓଡିଶା ଅଗ୍ନିଶମ ବିଭାଗ କର୍ମଚାରୀ ପ୍ରଫୁଲ୍ଲ କୁମାର ପାଇକରାୟ,ସୁନୀଲ କୁମାର ନାୟକ ,ଦୀପକ ସାହୁ ,ସଞ୍ଜୀବ ବିଶୋଇ ,ନିମେଇ ସ୍ୱାଇଁ କୁଅ ମଧ୍ୟରୁ ବୃଦ୍ଧାଙ୍କୁ ଉଦ୍ଧାର କରିଥିଲେ।ବୃଦ୍ଧାଙ୍କ ପୁତ୍ର ଅନୁପସ୍ଥିତ ଥିବାରୁ ଓଡ଼ଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ମୃତ ଶରୀରକୁ ବ୍ୟବଚ୍ଛେଦ ନିମନ୍ତେ ଅଣାଯାଇଥିବା ସୂଚନା ମିଳିଅଛି ।
