ଓଡ଼ଗାଁ,(ବାଘୁଆବାର୍ତ୍ତା): ଜଣେ ଯୁବକଙ୍କ ଠାରୁ ଦେଢ଼ କୋଟି ଟଙ୍କା ଠକିବାକୁ ଚେଷ୍ଟା କରୁଥିଲା ଜଣେ ଯୁବକ ।ଟଙ୍କା ମାଗିବାରୁ ଜୀବନରୁ ମାରି ଦେବାକୁ ଧମକ ମଧ୍ୟ ଦେଲା ଅଭିଯୋଗ ପରେ ଓଡ଼ଗାଁ ପୋଲିସ ସମ୍ପୃକ୍ତ ଯୁବକକୁ ଗିରଫ କରି କୋର୍ଟଚାଲାଣ କରି ଅଛି । ଓଡ଼ଗାଁ ଆଦର୍ଶଥାନା ଅନ୍ତର୍ଗତ ବେରୁଁଆବାରି ପଞ୍ଚାୟତ ପୋଡ଼ାସାହିର ବିପ୍ରବନ୍ଧୁ ନାୟକ ଗଂଜାମ ଜିଲ୍ଲା ଛତ୍ରପୁର ଥାନା ମିହିର ରଞ୍ଜନ ସ୍ୱାଇଁ ସହ ଦୀର୍ଘ ବର୍ଷଧରି କାଜୁ ବ୍ୟବସାୟ କରୁଥିଲେ ।ମିହିରଙ୍କ ମୃତ୍ୟୁ ପରେ ପୁଅ ସୁବ୍ରତ ଏହି ବ୍ୟବସାୟକୁ ହାତେଇଥିଲା।କିଛି ଦିନ ଅନ୍ତେ ସୁବ୍ରତ ଅଧିକ କାଜୁ ନେବାକୁ କହିବାରୁ ବିପ୍ରବନ୍ଧୁ ଅନେକ ଚାଷୀଙ୍କ ଠାରୁ କାଜୁ ଆଣି ଦେଇଥିଲେ ଯାହାର ଆନୁମାନିକ ମୂଲ୍ୟ ୧ କୋଟି ୬୯ ଲକ୍ଷ ଅଟେ।ସୁବ୍ରତକୁ ବାକି ପଇସା ମାଗିବାରୁ ପଇସା ଦେବା ବଦଳରେ ସେ ଧମକ ଚମକ ଦେବା ସହ ଏପରିକି ଜୀବନରୁ ମାରି ଦେବାକୁ ମଧ୍ୟ ପଛାଇନଥିଲା।ଯାହା ଫଳରେ ବିପ୍ରବନ୍ଧୁ ନିରୁପାୟ ହୋଇ ଓଡ଼ଗାଁ ଆଦର୍ଶ ଥାନାର ଆଶ୍ରୟ ନେଇଥିଲେ ।ଓଡ଼ଗାଁ ପୋଲିସ ଅଭିଯୋଗକ୍ରମେ ଛତ୍ରପୁର ପୋଲିସ ସହାୟତାରେ ସୁବ୍ରତକୁ ଗିରଫ କରିଥିଲେ ।୪୧/୨୧ରେ ଏକ ମାମଲା ରୁଜୁ କରି ଆଇପିସିର ଧାରା ୪୨୦,୨୯୪,୫୦୬ ଅନୁଯାୟୀ କୋର୍ଟଚାଲାଣ କରିଅଛି।ସେଠାରେ ତାହାର ଜାମିନ ନାମଞ୍ଜୁର ହେବାରୁ ଅଭିଯୁକ୍ତ ସୁବ୍ରତକୁ ବିଚାରବିଭାଗୀୟ ଅଦାଲତକୁ ପଠାଇଥିବା ସୂଚନା ମିଳିଅଛି।
