ନୟାଗଡ଼, (ବାଘୁଆବାର୍ତ୍ତା): ମହଙ୍ଗା ପଡ଼ିଲା ମୁଣ୍ଡ ଜାମିନ ରଖି ଟଙ୍କା ଆଦାୟ । ନୟାଗଡ଼ ଜିଲ୍ଲା ଚାନ୍ଦପୁର ପୁଲିସ ଦ୍ୱାରା ଦୁଇ ଜଣ ଅପହରଣକାରୀ ଗିରଫ । ଗିରଫ ଅଭିଯୁକ୍ତମାନେ ହେଲେ କନ୍ଧନୟାଗଡ଼ର ପ୍ରତାପ ବେହେରା ଏବଂ ଚାନ୍ଦପୁରର ସୈାଭାଗ୍ୟ ସାହୁ ବୋଲି ଜଣାଯାଇଛି । ସୂଚନାନୁସାରେ, ଆଜି ଖୋର୍ଦ୍ଧା ଜିଲ୍ଲା ଟାଙ୍ଗି ଥାନା ଅନ୍ତର୍ଗତ ଝରିଆ ଗ୍ରାମର ନୀଳକଣ୍ଠ ପଲେଇକୁ ୩ ଜଣ ଦୁର୍ବୁତ୍ତ ଅପହରଣ କରି ନେଇଥିଲେ । ଅପହରଣ କାରୀମାନେ ତାଙ୍କୁ ଚାନ୍ଦପୁର ଥାନା ଅଞ୍ଚଳର ଏକ ଜଙ୍ଗଲରେ ରଖି ତାଙ୍କ ପରିବାରକୁ ୧ ଲକ୍ଷ ୯୦ ହଜାର ଟଙ୍କା ଦେବାକୁ ଦାବି କରିଥିଲେ । ଏପରିକି ଅପହରଣକାରୀମାନେ ନୀଳକଣ୍ଠଙ୍କଠାରୁ ଏଟିଏମ୍ ଏବଂ ପିନ କୋଡ ନେଇ ଟଙ୍କା ମଧ୍ୟ ଉଠାଇ ଦେଇଥିଲେ । ଏନେଇ ପୁଲିସ ଅଭିଯୋଗ ପାଇବା ପରେ ତତ୍କ୍ଷଣାତା କାର୍ଯ୍ୟାନୁଷ୍ଠାନ ଗ୍ରହଣ କରିଛି । ପୁଲିସ ନୀଳକଣ୍ଠକୁ ଉଦ୍ଧାର କରିବା ସହ ଦୁଇ ଅଭିଯୁକ୍ତକୁ ଗିରଫ କରିଛି । ଅଭିଯୁକ୍ତଙ୍କଠାରୁ ୩୫ ହଜାର ଟଙ୍କା ଉଦ୍ଧାର କରାଯାଇଥିବା ବେଳେ ଆସନ୍ତାକାଲି ବଳକା ଟଙ୍କା ଉଦ୍ଧାର କରାଯିବ ବୋଲି ଥାନା ଅଧିକାରୀ କହିଛନ୍ତି ।
