ନୟାଗଡ (ବାଘୁଆ ବାର୍ତ୍ତା ବ୍ୟୁରୋ): ନୟାଗଡ଼ ଜିଲ୍ଲାର ଜଣେ ଚା’ଦୋକାନୀଙ୍କ ଝିଅ +୨ କଳାରେ ନୟାଗଡ଼ ଜିଲ୍ଲା ଟପ୍ପର ହୋଇଛନ୍ତି । ନୟାଗଡ଼ ପ୍ରଜାମଣ୍ଡଳ ମହାବିଦ୍ୟାଳୟର ଛାତ୍ରୀ ଦୁର୍ଗାପ୍ରସାଦ ଗ୍ରାମର ତ୍ରିନାଥ ସ୍ୱାଇଁଙ୍କ ଝିଅ ରଞ୍ଜିତା ଲେଙ୍କା +୨ କଳା ବିଭାଗରେ ୬୦୦ ରୁ ୫୦୬ ନମ୍ବର ରଖି ନୟାଗଡ଼ ଜିଲ୍ଲା ଟପ୍ପର ହୋଇଛନ୍ତି । ରଞ୍ଜିତାଙ୍କ ବାପା ନୟାଗଡ଼ ବସ୍ଷ୍ଟାଣ୍ଡ ନିକଟରେ ଏକ ଚା’ଦୋକାନ କରିଥିବା ବେଳେ ଆର୍ଥିକ ଅଭାବରୁ ରଞ୍ଜିତାକୁ ଭଲ କୋଚିଂ ଦେଇପାରୁ ନଥିଲେ ।
ରଞ୍ଜିତା ନିଜେ ଘରେ ପାଠପଢି ନିଜ ପରିଶ୍ରମ ଦ୍ୱାରା ଏହି ସଫଳତା ହାସଲ କରିଛନ୍ତି ବୋଲି ତାଙ୍କ ବାପା କହିଛନ୍ତି । ଯଦି ସରକାରୀ ସହାୟତା ଯୋଗାଇ ଦିଆଯାଏ ତେବେ ସେ ଆଗାମୀ ଦିନରେ ଉଚ୍ଚଶିକ୍ଷା ନିମନ୍ତେ ଆଗ୍ରହ ପ୍ରକାଶ କରିବା ସହ ଜିଲ୍ଲାର ଟେକ ରଖିପାରନ୍ତା ।
