ନୟାଗଡ଼,(ବାଘୁଆବାର୍ତ୍ତା): ପୁଲିସ୍କୁ ମିଳିଛି ବଡ଼ ସଫଳତା । ୪୦ ଲକ୍ଷରୁ ଉଦ୍ଧ୍ୱର୍ ଟଙ୍କାର ବ୍ରାଉନ୍ ସୁଗାର ଜବତ ସହ ଜଣେ ବ୍ରାଉନ୍ ସୁଗାର ବ୍ୟବସାୟୀକୁ ବାରିପଦା ଟାଉନ ପୁଲିସ ଗିରଫ କରିଥିବା ଜଣାପଡ଼ିଛି । ତେବେ ଗୋବିନ୍ଦଙ୍କ ନିକଟରୁ ୪୧୭ ଗ୍ରାମର ବ୍ରାଉନ୍ ସୁଗାର ଜବତ କରିଛି ଟାଉନ ପୁଲିସ । ସୁଚନାନୁସାରେ ବାରିପଦା ଟାଉନ ଥାନା ଅନ୍ତର୍ଗତ ୨୭ ନଂ ୱାର୍ଡର ବୈଦ୍ୟନାଥ ପାଲ୍ଙ୍କ ପୁଅ ଗୋବିନ୍ଦ ପାଲ ବ୍ରାଉନ୍ ସୁଗାର ବ୍ୟବସାୟ କରୁଥିବା ନେଇ ପୁଲିସ ଜାଣିବାକୁ ପାଇଥିଲା । ବାରିପଦା ପୁଲିସ୍ ସ୍ୱତନ୍ତ୍ର ଏକ ଟିମ୍ ଗଠନ କରି ଆଜି ହଠାତ୍ ଗୋବିନ୍ଦ ପାଲଙ୍କ ଘରେ ଚଢ଼ାଉ କରିଛି । ଚଢ଼ଉ ସମୟରେ ଗୋବିନ୍ଦ ପାଲ୍ଙ୍କ ଘରୁ ୪୧୭ ଗ୍ରାମର ବ୍ରାଉନ୍ ସୁଗାର ପୁଲିସ୍ ଜବତ କରିଛି । ଜବତ ହୋଇଥିôବା ବ୍ରାଉନ୍ ସୁଗାରର ମୂଲ୍ୟ ୪୦ ଲକ୍ଷରୁ ଉଦ୍ଧ୍ୱର୍ ଟଙ୍କାର ଅନୁମାନ କରାଯାଇଥିବାବେଳେ ବ୍ରାଉନ୍ ସୁଗାର ବ୍ୟବସାୟୀ ଗୋବିନ୍ଦ ପାଲଙ୍କୁ ପୁଲିସ୍ ଗିରଫ କରିଛି । ଏହା ପଛରେ ଅନ୍ତଃରାଜ୍ୟ ରାକେଟ୍ କାମ କରୁଥିବା ସୂଚନା ଦେଇଛନ୍ତି ବାରିପଦା ଟାଉନ ଥାନା ପୁଲିସ ଅଧିକାରୀ ବୀରେନ୍ଦ୍ର କୁମାର ସେନାପତି ।
