ନୟାଗଡ଼,(ବାଘୁଆବାର୍ତ୍ତା): କାହାର ଜୋଡା ମୁଣ୍ଡ ଥିବା ଶିଶୁ ପତ୍ର ଜନ୍ମ ହେଉଥିବା ବେଳେ ଆଉ କାହାର ଦୁଇଟି ପେଟ ଯୋଡି ହୋଇଥିବା ଶିଶୁ ଜନ୍ମ ହୋଇଥିବା ଜଣାପଡିଛି । ଆଜି ସେହିଭଳି ଭାବେ ଜଣେ ଶିଶୁକନ୍ୟା ଜନ୍ମ ହୋଇଛି ଯାହାର କି ଦୁଇଟି ମୁଣ୍ଡ ଥିବା ବେଳେ ୩ଟି ହାତ ରହିଛି । ଏଭଳି ଜଣେ ଶିଶୁ ଜନ୍ମ ନେଇ ଛି କେନ୍ଦ୍ରାପଡ଼ା ଜିଲ୍ଲା ଏକ ଘରୋଇ ନର୍ସିଂହୋମରେ । ସୂଚନାନୁସାରେ, କେନ୍ଦ୍ରାପଡ଼ା ଜିଲ୍ଲା ରାଜନଗର ଥାନା ଅନ୍ତର୍ଗତ କଣୀ ଗାଁର ଉମାକାନ୍ତ ପରିଡାଙ୍କ ସ୍ତ୍ରୀ ଅମ୍ବିକାଙ୍କ ମେନ୍ ହେବାରୁ ତାଙ୍କୁ ଏକ ଘରୋଇ ନର୍ସିଂହୋମରେ ଭର୍ତ୍ତି କରାଯାଇଥିଲା । ଆଜି ୧୧ଟା ସମୟରେ ଏକ ଶିଶୁକନ୍ୟା ଜନ୍ମ ନେଇଥିଲା । ଶିଶୁକନ୍ୟାର ୨ଟି ମୁଣ୍ଡ, ୩ଟି ହାତ, ୪ଟି ଆଖୀ, ୪ଟି କାନ ଥିବା ବେଳେ ଦୁଇଟି ଗୋଡ଼ ରହିଛି । ଶିଶୁଟିର ଶରୀର ଅସୁସ୍ଥ ଥିବାରୁ ଶିଶୁଟିକୁ କଟକ ଶିଶୁ ଭବନକୁ ପଠାଇ ଦିଆଯାଇଥିବା ଜଣାପଡିଛି ।
