ନୟାଗଡ଼,(ବାଘୁଆବାର୍ତ୍ତା) : ବ୍ରାଉନସୁଗର କବଳରେ ନୟାଗଡ଼ ଜିଲ୍ଲା । ଗୋଟିଏ ସପ୍ତାହ ମଧ୍ୟରେ ୩ ଜଣଙ୍କୁ ଗିରଫ କରିଛି ପୁଲିସ । ଆଜି ନୟାଗଡ଼ ଜିଲ୍ଲା ସଦରଥାନା ଅନ୍ତର୍ଗତ ବାଲୁଗାଁ ନିକଟସ୍ଥ ଜାମୁବଣି ନିକଟରୁ ପୁଲିସ ୫.୫ ଗ୍ରାମର ବ୍ରାଉନସୁଗର ଜବତ କରିଛି । ସିନ୍ଦୁରିଆ ଗ୍ରାମର କରେଣ୍ଟ ଖାନ୍ ଜାମୁବଣି ନିକଟରେ ବ୍ୟବସାୟ କରିବା ପାଇଁ ଅପେକ୍ଷା କରିଥିବା ବେଳେ ପୁଲିସ ତାକୁ କାବୁ କରି ନେଇଥିଲା । ତା ନିକଟରେ ବ୍ରାଉନୁସୁଗାର ଜବତ କରିବା ସହ ଆଜି ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ସଦରଥାନା ଅଧିକାରୀ ଶରତ ଚନ୍ଦ୍ର ପାତ୍ର ସୂଚନା ଦେଇଛନ୍ତି ।
