ନୟାଗଡ଼,(ବାଘୁଆବାର୍ତ୍ତା); ନୟାଗଡ଼ ଜିଲ୍ଲାରେ କରୋନା ଆକ୍ରାନ୍ତ ସଂଖ୍ୟା ଦ୍ରୃତ ଗତିରେ ବୃଦ୍ଧି ପାଉଥିବାରୁ ଆଜି ପ୍ରଶାସନ ପକ୍ଷରୁ ସହରରେ ସଚେତନତା କରାଯାଇଛି । ଆଜି ଜିଲ୍ଲାରୁ ୭ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସକ୍ରିୟ ମାମଲା ୨୫ରେ ପଞ୍ଚିଛି । ନୟାଗଡ଼ ଉପଜିଲ୍ଲାପାଳ ଲଗ୍ନଜିତ ରାଉତ, ତହସିଲଦାର ଭିକାରୀ ସାହୁ, ଥାନା ଅଧିକାରୀ ଜୟଦୀପ ମହାନ୍ତି ପ୍ରମୂଖ ସହରରେ ବୁଲି ଲୋକଙ୍କୁ ମାସ୍କ ବ୍ୟବହାର କରିବା ପାଇଁ ସଚେତନ କରିଛନ୍ତି । ଏଥିସହିତ ଟାଉନଥାନା ପୁଲିସ ପକ୍ଷରୁ ୧୯ ଜଣ ବିନା ମାସ୍କ ଧାରିଙ୍କଠାରୁ ୩୮ ଶହ ଟଙ୍କା ଜୋରିମାନା ଆଦାୟ କରାଯାଇଛି ।
