ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଶରଣକୁଳ ଥାନା ଅନ୍ତର୍ଗତ ବରସାହି ଗ୍ରାମରେ ଆଜି ଜଣେ ଦଣ୍ଡୁଆଙ୍କ ମୃତ୍ୟୁ ପରେ ତାଙ୍କ ଶବକୁ ବଞ୍ଚାଇବା ପାଇଁ ପୂଜାର୍ଚ୍ଚନା ଚାଲିଥିବା ପୁଲିସ ସୁତ୍ରରୁ ଜଣାଯାଇଛି । ଶନିବାର ରାତ୍ରିରେ ଦଣ୍ଡନାଚ ଚାଲିଥିବା ବେଳେ ରବି ନାହାକ (୪୫) ନାମକ ଦଣ୍ଡୁଆ କୈାଣସି କାରଣରୁ ଅସୁସ୍ଥ ହୋଇ ପଡ଼ିଥିଲେ । ତାଙ୍କୁ ଚିକିତ୍ସା ପାଇଁ ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ । ସେଠାରେ ଡାକ୍ତର ରବିକୁ ମୃତ ଘୋଷଣା କରିଥିଲେ । ଖବରପାଇ ଶରଣକୁଳ ପୁଲିସ୍ ଥାନାରେ ୪/୨୧ରେ ଏକ ଅପମୃତ୍ୟୁ ମାମଲା ରୁଜୁ କରିଛି । ମାତ୍ର ଶବକୁ ବ୍ୟବଚ୍ଛେଦ ନକରି ପରିବାର ଓ ଗ୍ରାମବାସୀ ନେଇ ଯାଇଥିବା ଜଣାଯାଇଛି । ଶବକୁ ଗ୍ରାମକୁ ନେବା ପରେ ଏହାକୁ ବଞ୍ଚାଇବା ପାଇଁ ପୂଜାର୍ଚ୍ଚନା ଚାଲିଥିବା ପୁଲିସ ସୁତ୍ରରୁ ଜଣାଯାଇଛି ।
