ନୟାଗଡ଼,(ବାଘୁଆବାର୍ତ୍ତା): କୋକସରା ବ୍ଲକ ୨୬ନଂ ଜାତୀୟ ରାଜପଥ ମହାଜଗୁଡ଼ା ନିକଟରେ ଭାରସାମ୍ୟ ହରାଇ ଏକ ବୋଲେରୋ ଦୁର୍ଘଟଣା ହୋଇଛି । ବୋଲେରୋଟି ରାସ୍ତାରୁ ପ୍ରାୟ ୫୦ ମିଟର ଚାଷ ଜମିକୁ ଓଲଟି ପଡ଼ିଥିଲା । ଦୁର୍ଘଟଣାରେ ୪ ଜଣଙ୍କ ଅବସ୍ଥା ଗୁରୁତର ରହିଥିବା ବେଳେ ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ୧୦୮ ଆମ୍ବୁଲାନ୍ସ ରେ କୋସରା ହସ୍ପିଟାଲକୁ ଆଣି ଭର୍ତ୍ତି କରିଥିଲେ ପରେ ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା । ସୂଚନାନୁସାରେ, କଳାହାଣ୍ଡି ଜିଲ୍ଲା କେସିଙ୍ଗା ବ୍ଳକ ମଶାଣି ମୁଣ୍ଡା ଗ୍ରାମର ରାମଚନ୍ଦ୍ର ଦୀପ(୫୦) ହେମଲତା ଦୀପ(୪୫) ସୀତାକାନ୍ତ ମଙ୍ଗରାଜ(୩୫) ବୋଲେରୋ ଡ୍ରାଇଭର ମାଧବ ସାହୁ(୩୫) ଓ ସନ୍ତୋଷ ଦୀପ(୨୧) ମାଲକାନଗିରି ଜିଲ୍ଳା କାଲିମେଳା କୁ ରାମଚନ୍ଦ୍ର ଦୀପଙ୍କ ଚିକିତ୍ସା ପାଇଁ ଯାଇଥିଲେ । ସେଠାରୁ ନିଜ ଘରକୁ ଫେରୁଥିବା ସମୟରେ ଝଡ଼ ପବନ ଯୋଗୁ ବୋଲେରୋ ଭାରସାମ୍ୟ ହରାଇ ଦୁର୍ଘଟଣା ହୋଇଥିଲା । ଯାହାଫଳରେ ବୋଲେରୋ ବସିଥିବା ଯାତ୍ରୀ ଓ ଡ୍ରାଇଭର ଗୁରୁତର ହୋଇଥିବା ଜଣାପଡିଛି । ସ୍ଥାନୀୟ ଲୋକ ଗୁରୁତର ଥିବା ବ୍ୟକ୍ତିମାନଙ୍କୁ ମେଡିକାଲରେ ଭର୍ତ୍ତି କରିଥିଲେ । ଖବର ପାଇ ଆମପାଣି ଥାନା ପୋଲିସ ପହଞ୍ଚି ଦୁର୍ଘଟଣା ଗାଡ଼ି ଜବତ କରିବା ସହ ଏକ ମାମଲା ରୁଜୁ କରାଯାଇ ତଦନ୍ତ ଚଳାଇଥିବା ଥାନା ପକ୍ଷରୁ ସୂଚନା ମିଳିଛି ।
