ଭୁବନେଶ୍ୱର,(ବାଘୁଆବାର୍ତ୍ତା): ରାଜ୍ୟରେ ବିଭିନ୍ନ ପ୍ରସଙ୍ଗକୁ ନେଇ ଦଙ୍ଗା କରୁଥିବା ବିଜେପି ଦଳ ଆଜି ପବିତ୍ର ଯାଗାରେ ତା’ର ସୀମା ପାର କରିଛି । ପବିତ୍ର ଗୃହକୁ ଚଲାଉଥିବା ବାଚସ୍ପତିଙ୍କ ଉପରକୁ ଆଜି ବିଜେପି ସଦସ୍ୟ ମାନେ ହୋହାଲ୍ଲା କରିବା ସହିତ ବାଚସ୍ପତିଙ୍କ ଉପରକୁ ଚପଲ ଓ ଇୟର ଫୋନ ଫିଙ୍ଗଛନ୍ତି । ଏହା କି ମାନସିକତା ବୋଲି ବୁଝା ପଡିନାହିଁ । ତେବେ ରାଜ୍ୟରେ ବିଜେପି ଶାସନକୁ ଆସିବା ପୂର୍ବରୁ ଯେଉଁ ଭଳି ଭାବେ ଦଙ୍ଗାର ଜଲୱା ଦେଖାଉଛି, ଯଦି ଶାସନକୁ ଆସିବ ତେବେ କ’ଣ କରିବ ବୋଲି ବଡ଼ ପ୍ରଶ୍ନବାଚୀ ସୃଷ୍ଟି କରିଛି? ବିଜେପି ନେତା ବିଷ୍ଣୁ ସେଠୀ କହିଛନ୍ତି ଯେ, ସେ କେବଳ ଇଅର ଫୋନ୍ ଓ କଲମ ଫିଙ୍ଗିଛନ୍ତି ବୋଲି ସ୍ୱୀକାର କରିଥିବା ବେଳେ ଚପଲ ଫୋପାଡିବା ବିଷୟରେ ଅବଗତ ନଥିବା ପ୍ରକାଶ କରିଛନ୍ତି । ବିଧାନସଭାରେ ଓଡ଼ିଶା ଲୋକାୟୁକ୍ତ ସଂଶୋଧନ ବିଲ ପାରିତ ହେବା ପରେ ବାଚସ୍ପତିଙ୍କ ପୋଡ଼ିୟମ୍ ଉପରକୁ ଚପଲ ଫିଙ୍ଗାଯାଇଥିଲା । ବିରୋଧିଙ୍କ ହୋହାଲ୍ଲା ଭିତରେ ଲୋକାୟୁକ୍ତ ସଂଶୋଧନ ବିଲ୍ ପାରିତ ହୋଇଯାଇଛି । ଫଳରେ ଏଣିକି ଲୋକାୟୁକ୍ତ ସଦସ୍ୟଙ୍କୁ ଓଡ଼ିଶାରେ ପୁନଃ ନିଯୁକ୍ତି ମିଳିବ ନାହିଁ । ପୂର୍ବରୁ ଲୋକାୟୁକ୍ତ ଅଧ୍ୟକ୍ଷ ଓ ସଦସ୍ୟ ଓଡ଼ିଶା ସହ ସମଗ୍ର ଦେଶରେ ନିଯୁକ୍ତି ବ୍ୟବସ୍ଥା ଥିଲା । ତେଣୁ ବିଜେପିର ଏଭଳି ପୋଡିୟମ ଉପରକୁ କଲମ ଓ ଇୟର ଫୋନ ଫିଙ୍ଗିବା ଅସହିଷ୍ଣୁତା ଆଡ଼ାକୁ ଅଙ୍ଗୁଳି ନିର୍ଦ୍ଦେଶ କରୁଛି ।
