ଭୁବନେଶ୍ୱର,(ବାଘୁଆବାର୍ତ୍ତା): ପଶ୍ଚିମବଙ୍ଗରେ ଆସନ୍ତା କାଲି ଠାରୁ ଦ୍ୱିତୀୟ ପର୍ଯ୍ୟାୟ ମତଦାନ ହେବା ପୂର୍ବରୁ ଟିଏମସି ବିଧାୟକ ପ୍ରାର୍ଥୀ ମମତା ବାନାର୍ଜୀ ବିଜେପି ଦଳକୁ ବିରୋଧ କରୁଥିବା ନେତାଙ୍କୁ ଚିଠି ଲେଖିଛନ୍ତି । ବିଜେପି ସରକାର ଯେଉଁ ଭଳି ଭାବେ ଜନବିରୋଧି ନୀତି ଆପଣେଇଛି ଏହାକୁ ବିରୋଧ କରିବା ପାଇଁ ଓଡ଼ିଶାର ବିଜେଡ଼ି ମୁଖିଆ ନବୀନ ପଟ୍ଟନାୟକ, କଂଗ୍ରେସର ସୋନିଆ ଗାନ୍ଧୀଙ୍କ ସମେତ ୧୫ଟି ଦଳକୁ ଏକାଠି ହେବାକୁ ଚିଠି ଲେଖିଛନ୍ତି । ଯେଉଁଥିରେ କି ଏନସିପି ସୁପ୍ରିମୋ ଶରଦ ପାୱାର, ଡିଏମକେ ମୁଖ୍ୟ ଏମକେ ଷ୍ଟାଲିନ୍, ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ସାଦବ, ଆମଦ ଆଦମୀ ପାର୍ଟିର ମୁଖ୍ୟ ଅରବିନ୍ଦ କେଜ୍ରିୱାଲ, ଝାଡ଼ଖଣ୍ଡ ମୁକ୍ତି ମୋର୍ଚ୍ଚାର ସଭାପତି ହେମନ୍ତ ସୋରେନ୍, ୱାଇଏସଆର କଂଗ୍ରେସ ମୁଖ୍ୟ ଜଗନ ରେଡ୍ଡୀ, ନ୍ୟାଶନାଲ କନଫରେନସ ସୁପ୍ରିମୋ ଫାରୁକ୍ ଅବଦୁଲ୍ଲା, ପିଡିପି ସୁପ୍ରିମୋ ମେହବୁବା ମୁଫତିଙ୍କୁ ବ୍ୟକ୍ତିଗତ ଭାବରେ ଚିଠି ଲେଖି ସମର୍ଥନ ମାଗିଛନ୍ତି ମମତା ବାନାର୍ଜୀ । ଚିଠିରେ ବିଜେପି ଯେଉଁ ଭଳି ଭାବେ ଆଞ୍ଚଳିକ ଦଳ ଉପରେ ସିବିଆଇ, ଇଡି ଏବଂ ଅନ୍ୟାନ୍ୟ କେନ୍ଦ୍ରୀୟ ଏଜେନ୍ସି ବ୍ୟବହାର କରୁଛି ତାହା ହାସ୍ୟସ୍ପଦ । ବିଜେପି ଗଣତନ୍ତ୍ର ଏବଂ ସମ୍ବିଧାନ ଉପରେ ଘନ ଘନ ଆକ୍ରମଣ କରୁଛି । ଏହା ବିରୋଧରେ ସମସ୍ତେ ଏକଜୁଟ ହେବା ଆବଶ୍ୟକ ବୋଲି ମମତା କହିଛନ୍ତି ।
