ଓଡ଼ଗାଁ,(ବାଘୁଆବାର୍ତ୍ତା): ଆଦିବାସୀ ମହିଳାମାନଙ୍କୁ ଆର୍ଥିକ ସ୍ତରରେ ସ୍ୱାବଲମ୍ବୀ କରିବା ନିମନ୍ତେ ବିଭିନ୍ନ ସ୍ବେଚ୍ଛାସେବୀ ସଂସ୍ଥା ସହାୟତାର ହାତ ବଢ଼ାଉଛନ୍ତି । ନୟାଗଡ଼ଜିଲ୍ଲା ଶିବଶକ୍ତି କ୍ଲବ ତରଫରୁ ଗଜପତି ଜିଲ୍ଲା ମଳାସପଦର ଗ୍ରା.ପର ମଳାସପଦର ଆଦିବାସୀ ମହିଳାମାନଙ୍କୁ ନିଜେ ସ୍ୱାବଲମ୍ବନ ହେବା ସହ ସେମାନଙ୍କର ରୋଜଗାରର କ୍ଷମତା ବଢ଼ାଇବା ନିମନ୍ତେ ସମ୍ପୂର୍ଣ୍ଣ ମାଗଣାରେ ୫୦ ହଜାର ଟଙ୍କା ବିନିମୟରେ ବିଦ୍ୟୁତଚାଳିତ ମିନି ରାଇସ ମିଲ ପ୍ରଦାନ କରାଯାଇଛି। ଆଜିର କାର୍ଯ୍ୟକ୍ରମରେ ଶିବଶକ୍ତି କ୍ଲବର ସମ୍ପାଦକ ରାମେଶ୍ୱର ପାତ୍ର ,ସ୍ବେଚ୍ଛାସେବୀ ରଘୁନାଥ ସ୍ୱାଇଁ ଏବଂ ସ୍ୱୟଂ ସହାୟକ ଗୋଷ୍ଠୀର ମହିଳାମାନେ ଉପସ୍ଥିତ ଥିଲେ ।ଏହା ପୂର୍ବରୁ ମଧ୍ୟ ଆଦିବାସୀ ଅଧ୍ୟୁଷିତ ଅଞ୍ଚଳରେ ଶିବଶକ୍ତି କ୍ଲବ ତରଫରୁ ମହିଳାମାନଙ୍କୁ କମ୍ବଳ ଏବଂ ମସିଣା ବଣ୍ଟନ କରାଯାଇଥିଲା ।
