ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ବାର ଆସୋସିଏସନ୍ ପାଇଁ ଆଜି ନିର୍ବାଚନ ଶେଷ ହୋଇଛି । ଏହି ନିର୍ବାଚନରେ ସଭାପତି ପଦ ପାଇଁ ଆଇନଜିବୀ ବିପିନ କୁମାର ଧଳ, ରଣଜିତ ଦାଶ ଏବଂ ବଂଶୀଧର ରାଉତରାୟଙ୍କ ମଧ୍ୟରେ ତ୍ରୀମୂଖୀ ଲଢ଼େଇ ହୋଇଥିଲା । ଏଥିରେ ବିପିନ କୁମାର ଧଳ ରଣଜିତ ଦାଶଙ୍କୁ ମାତ୍ର ୧ଟି ଭୋଟରେ ପରାଜୟ କରିଥିବା ସୂଚନା ମିଳିଛି । ସେହିଭଳି ଭାବେ ଆଜିର ନିର୍ବାଚନରେ ଉପସଭାପତି ଭାବେ ମଦନ ପଣ୍ଡା ୧୦୫ ଖଣ୍ଡ ଭୋଟପାଇ ନିର୍ବାଚିତ ହୋଇଥିବା ବେଳେ ସାଧାରଣ ସଂମ୍ପାଦକ ଭାବେ କାଳୁ ଚରଣ ସ୍ୱାଇଁ ୧୦୭ ଖଣ୍ଡ ଭୋଟ ପାଇଛନ୍ତି । ସେହିଭଳି ଭାବେ ଯୁଗ୍ମ ସଂପାଦକ ଭାବେ ବିଶ୍ୱେଷ ରଞ୍ଜନ ମହାପାତ୍ର ୧୨୨ ଖଣ୍ଡ ଭୋଟ ପାଇଛନ୍ତି ଏବଂ କୋଷାଧ୍ୟକ୍ଷ ଭାବେ ପ୍ରଣବ କୁମାର ବିଶୋଇ ୯୬ ଖଣ୍ଡ ପାଇ ନିର୍ବାଚିତ ହୋଇଥିବା ଜଣାଯାଇଛି । ସେହିଭଳି ଭାବେ ୬ ଜଣ ସଦସ୍ୟ ନିର୍ବାଚିତ ହୋଇଛନ୍ତି । ସେମାନେ ହେଲେ ସନ୍ତୋଷ କୁମାର ରାଉତରାୟ, ପ୍ରମୋଦ କୁମାର ନାୟକ, ଚିତ୍ତରଞ୍ଜନ ପ୍ରଧାନ, କୁଳେଶ ଚନ୍ଦ୍ର ମହାନ୍ତି, ସଞ୍ଜୟ ନାୟକ, ଶୈଳେନ୍ଦ୍ର ନାରାୟଣ ପଟ୍ଟନାୟକ ।
