ନୟାଗଡ଼,(ବାଘୁଆବାର୍ତ୍ତା); ସୁଧ ଟଙ୍କାକୁ ନେଇ ବଚସା । ବଚସା ଉଗ୍ରରୂପ ନେବାରୁ ବିଳମ୍ବିତ ରାତିରେ ଜଣେ ବ୍ୟକ୍ତିକୁ ସେହି ଗାଁମର ବାପ ପୁଅ ଛୁରାରେ ଆକ୍ରମଣ କରିଥିଲେ । ଯାହାଫଳରେ ଆକ୍ରମଣର ଶିକାର ହୋଇଥିବା ବ୍ୟକ୍ତିଜଣଙ୍କର ମୃତ୍ୟୁ ହୋଇଛି । ଏଭଳି ଘଟଣା ଘଟିଛି ଗଦାଧର ପ୍ରସାଦ ଅଞ୍ଚଳରେ । ସୂଚନାନୁସାରେ, ଇଟାମାଟି ଥାନା ଗଦାଧର ପ୍ରସାଦ ଗାଁର ଗୋଲ ରାଉତଙ୍କ ପାଇଁ ଗାଁ ସୋସାଇଟରୁ ରମେଶ କୁମାର ମୁଦୁଲି ସୁଧକୁ ଟଙ୍କା ଆଣି ଦେଇଥିଲେ । ହେଲେ ପ୍ରତିମାସରେ ଗୋଲ ରାଉତ ସୁଧ ଦେବାରେ ଅବେହଳା କରିବାରୁ ଶୁକ୍ରବାର ସଂଧ୍ୟାରେ ରମେଶ ଗୋଲଙ୍କ ସ୍ତ୍ରୀଙ୍କୁ ଯାଇ କହିଥିଲେ । ସେଠାରେ ଉଭୟଙ୍କ ମଧ୍ୟରେ ବଚସା ହୋଇଥିଲା । ଗୋଲଙ୍କ ସ୍ତ୍ରୀ ବଚସା କରିବାରୁ ରମେଶ ଘରକୁ ଫେରି ଆସିଥିଲେ । ବିଳମ୍ବିତ ରାତିରେ ଯେତେ ବେଳେ ଗୋଲ ଘରକୁ ଫେରିଲେ ଏବଂ ସ୍ତ୍ରୀଙ୍କ ଠାରୁ ସବୁକଥା ଜାଣିବାପରେ ରମେଶଙ୍କ ପାଖକୁ ଯାଇ ଗଣ୍ଡଗୋଳ କରିଥିଲେ । ଉକ୍ତ ସମୟରେ ଗୋଲ ରାଉତଙ୍କ ପୁଅ ଲକ୍ଷ୍ମୀଧର ରାଉତ ଏକ ଧାରୁଆ ଛୁରି ନେଇ ରମେଶଙ୍କୁ ଆଟାକ୍ କରିଥିଲେ । ଯାହାଫଳରେ ବାପ ପୁଅଙ୍କ ଛୁରା ମାଡ଼ରେ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିବା ଦେଖି ସ୍ଥାନୀୟ ଲୋକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ । ସେଠାରେ ଡାକ୍ତର ରମେଶଙ୍କୁ ମୃତ ଘୋଷଣା କରିଥିଲେ । ଖବର ପାଇ ଇଟାମାଟି ପୁଲିସ ଶବ ଜବତ କରିବା ସହିତ ଏକ ମାମଲା ଋଜୁ କରି ତଦନ୍ତ ଆରମ୍ଭ କରିଥିବା ବେଳେ ଅଭିଯୁକ୍ତ ବାପ, ପୁଅ ଫେରାର ହୋଇଯାଇଥିବା ଜଣାପଡିଛି । ସେପଟେ ମେଡିକାଲରେ ଶବ ବେବଚ୍ଛେଦ ଚାଲିଛି ଏବଂ ତଦନ୍ତ ଚାଲିଛି ଯଥାଶୀଘ୍ର ଆସାମୀମାନଙ୍କୁ ଗିରଫ୍ କରାଯିବ ବୋଲି ଇଟାମାଟି ଥାନା ଅଧିକାରୀ ଦୀପକ୍ କୁମାର ଖଣ୍ଡାୟତରାୟ ସୂଚନା ଦେଇଛନ୍ତି ।
