ନୟାଗଡ଼,(ବାଘୁଆବାର୍ତ୍ତା): ଟଙ୍କା ମାଗିବାରୁ ହେଲା ଯୁକ୍ତିତର୍କ । ଯୁକ୍ତିତର୍କ ଉଗ୍ରରୂପ ଧାରଣ କରିବାରୁ ଶେଷରେ ଫୁଟିଲା ଗୁଳି । ଏଥିରେ ଜଣେ ଗୁରୁତର ଥିବା ଜଣାପଡିଛି । ଏଭଳି ଘଟଣା ଘଟିଛି ପିତାମହୁୁଲ ଅଞ୍ଚଳରେ । ସୂଚନାନୁସାରେ, ସୁବର୍ଣ୍ଣପୁର ଜିଲ୍ଲା ସୁବଳୟା ଥାନା ଅନ୍ତର୍ଗତ କାଶଲପୁର ଗାଁର ଚକ୍ରପାତ୍ର ନାମକ ଜଣେ ବ୍ୟକ୍ତି ପ୍ରଭଞ୍ଜନଙ୍କ ଠାରୁ ଦେଢ ଲକ୍ଷ ଟଙ୍କା ଧାର ନେଇଥିଲେ । ଆଜି ଉଭୟଙ୍କ ମଧ୍ୟରେ ଭେଟ ହୋଇଥିଲା । ପ୍ରଭଞ୍ଜନ ଦେଇଥିବା ଟଙ୍କା ମାଗିବାରୁ ଉଭୟଙ୍କ ମଧ୍ୟ ଯୁକ୍ତିତର୍କ ହୋଇଥିଲା । ଯୁକ୍ତିତର୍କ ଉଗ୍ରରୂପ ନେବାରୁ ଉତକ୍ଷେପିତ ହୋଇ ଚକ୍ରପାତ୍ର ବନ୍ଧୁକ ବହାର କରି ପ୍ରଭଞ୍ଜନଙ୍କ ଉପରକୁ ଗୁଳି କରିଥିଲା । ଯାହାଫଳରେ ଗୁରୁତର ହୋଇ ପ୍ରଭଞ୍ଜନ ସୁବଳୟା ଡାକ୍ତରଖାନାରେ ଭର୍ତ୍ତି କରାଯାଇଛି । ଖବର ପାଇ ପୁଲିସ ଘଟଣାସ୍ଥଳରେ ପହଞ୍ôଚ ତଦନ୍ତ ଆରମ୍ଭ କରିଥିବା ବେଳେ ବର୍ତ୍ତମାନ ସୁଦ୍ଧା କାହାକୁ ଗିରଫ କରିନଥିବା ସୂଚନା ମିଳିଛି ।
