ନୟାଗଡ଼,(ବାଘୁଆବାର୍ତ୍ତା): ଗଞ୍ଜେଇ ଚୋରା ଚାଲାଣ ଚେର ଫୁଲବାଣୀରୁ ରାଜଧାନୀକୁ ଲମ୍ବିଛି । ଗଞ୍ଜେଇ ଚୋରା ଚାଲାଣ କରାଯାଉଥିବା ବେଳେ ପୁଲିସ ହାବୁଡରେ ପଡିଛି କ୍ୱିଣ୍ଟାଲରୁ ଉର୍ଦ୍ଧ ଗଞ୍ଜେଇ । ଫୁଲବାଣୀରୁ ଏକ ଧଳା ରଙ୍ଗର ଭର୍ନା କାରରେ ଦଶପଲ୍ଲା-ନୟାଗଡ଼ ଦେଇ ରାଜଧାନୀ ଚୋରା ଗଞ୍ଜେଇ ଚାଲାଣ ହେଉଥିବା ନେଇ ଦଶପଲ୍ଲା ପୁଲିସକୁ ବିଶେଷ ସୁତ୍ରରୁ ଖବର ପାଇ ଦଶପଲ୍ଲା ଅଞ୍ଚଳରେ ଛକି ରହିଥିଲା । ତେବେ ଭର୍ନା ଗାଡିଟି ଦଶପଲ୍ଲା ତ୍ରିନାଥ ଛକ ପୂର୍ବରୁ ଜାଣିପାରି ଗାଡ଼ି ଛାଡି ଫେରାର ହୋଇଯାଇଥିବା ବେଳେ ପୁଲିସ ଗାଡ଼ି ପାଖରେ ପହଞ୍ôଚ ଗାଡ଼ି ତନଖି କରି ସେଥିରୁ ଗଞ୍ଜେଇ ଜବତ କରିଛି । ଗାଡ଼ିରେ ୧୩୪କେଜି ଗଞ୍ଜେଇ ଜବତ କରିଛି ଦଶପଲ୍ଲା ପୁଲିସ । ଏନେଇ ଥାନାରେ ୪୫/୨୧ରେ ମାମଲା ଋଜୁ କରି ତଦନ୍ତ ଆରମ୍ଭ କରିଥିବା ଦଶପଲ୍ଲା ଥାନା ଅଧିକାରୀ କିରଣ ହେମ୍ରେମ୍ବ ସୂଚନା ଦେଇଛନ୍ତି ।
