ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଘରୋଇ ବିଦ୍ୟାଳୟ ସଂଘ ଆଜି ଅନ୍ଲାଇନ୍ ଟିସି ମାଧ୍ୟମରେ ସରକାରୀ ଶିକ୍ଷାନୁଷ୍ଠାନରେ ନାମ ଲେଖାକୁ ନେଇ ଜିଲ୍ଲା ଘରୋଇ ବିଦ୍ୟାଳୟ ସଂଘ ଆଜି ଜିଲ୍ଲା ଶିକ୍ଷା ଅଧିକାରୀଙ୍କୁ ଅଭିଯୋଗ କରିଛନ୍ତି । ଚଳିତ ବର୍ଷ ସରକାର ଅନ୍ଲାଇନ୍ ଟିସି ବ୍ୟବସ୍ଥା କରିଥିବାରୁ କେତେକ ସରକାରୀ ଶିକ୍ଷାନୁଷ୍ଠାନ ଅନିୟମିତତା କରି ପ୍ରଧାନଶିକ୍ଷକଙ୍କ ବିନା ଦସ୍ତଖତରେ ଅନ୍ଲାଇନ୍ ଟିସି ନେଇ ନାମ ଲେଖାଉଥିବା ଜଣାଯାଇଛି । ଏଭଳି ବେନିୟମ ଟିସିରେ ଚାଲୁଥିବା ନାମଲେଖାକୁ ତୁରନ୍ତ ବନ୍ଦ କରିବା ସହିତ ସଂପୃକ୍ତ ଶିକ୍ଷାନୁଷ୍ଠାନ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଘରୋଇ ବିଦ୍ୟାଳୟ ସଂଘ ଦାବି କରିଛି । ଏପରିକି ଏଭଳି ବେନିୟମ କାର୍ଯ୍ୟରୁ ନିବୃତ୍ତ ରହିବା ପାଇଁ ସମସ୍ତ ସରକାରୀ ଶିକ୍ଷାନୁଷ୍ଠାନକୁ ନିର୍ଦ୍ଦେଶନାମା ଜାରି କରିବାକୁ ସଂଘ ଅନୁରୋଧ କରିଛି । ଘରୋଇ ବିଦ୍ୟାଳୟ ସଂଘ ସଭାପତି ପ୍ରଦୀପ୍ତ କିଶୋର ମିଶ୍ର, ସମ୍ପାଦକ ମଳୟ କୁମାର ଜେନାଙ୍କ ନେତୃତ୍ୱରେ ଆଜି ଅନେକ ବିଦ୍ୟାଳୟ କର୍ତ୍ତୁପକ୍ଷ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟକୁ ଯାଇ ଅଭିଯୋଗ କରିଛନ୍ତି ।
