ନୟାଗଡ଼,(ବାଘୁଆବାର୍ତ୍ତା); ବନ୍ୟପ୍ରାଣୀ ଶିକାର ପାଇଁ ରାଜ୍ୟ ସରକାର କଡ଼ା ଆଭିମୁଖ୍ୟ ଗ୍ରହଣ କରିବା ପାଇଁ ବନ୍ୟପ୍ରାଣୀ ସୁରକ୍ଷା ଆଇନ୍ ପ୍ରଣୟନ କରିଛନ୍ତି । ହେଲେ ଶିକାରୀମାନେ ଏହି ଆଇନକୁ ଫୁ କରି ଦିନ ଦ୍ୱିପ୍ରହରେ ଶିକାର କରିଚାଲିଛନ୍ତି । ଯାହାଫଳରେ ଶିକାରୀମାନେ ହରିଣ ଶିକାର କରି ଆଜି ହରିଣ ମାଂସ ବିକ୍ରି କରୁଥିବା ଅଭିଯୋଗରେ ମାଂସ ଜବତ କରିବା ସହିତ ଦୁଇ ଜଣଙ୍କୁ ଗିରଫ କରିବାରେ ସଫଳ ହୋଇଥିବା ବେଳେ ଜଣେ ଫେରାର ଥିବା ଜଣାପଡିଛି । ଏଭଳି ଘଟଣା ଘଟିଛି ଗଣିଆ ବନାଞ୍ଚଳ ଅଞ୍ଚଳରେ । ସୂଚନାନୁସାରେ, ନୟାଗଡ଼ ବନଖଣ୍ଡ ଅନ୍ତର୍ଗତ ଗଣିଆ ବନାଞ୍ଚଳ ଅଧିନରେ ଥିବା ୱାଲିପୁର ଗାଁରେ ଥିବା ଭଗବତ୍ ପଣ୍ଡାଙ୍କ ଘରେ ହରିଣ ମାଂସ ବିକ୍ରି ହେଉଥିବା ଗଣିଆ ବନାଞ୍ଚଳ ଅଧିକାରିଣୀ ସୋନାଲି ସିଓ ବିଶେଷ ସୁତ୍ରରୁ ଖବର ପାଇ ଚଢଉ କରିଥିଲେ । ଚଢଉ ସମୟରେ ତାଙ୍କ ଘରୁ ପାଖାପାଖି ୧୫କିଲୋ ହରିଣ ମାଂସ, ବିକ୍ରିପାଇଁ ବ୍ୟବହୃତ ହୋଇଥିବା ତକଡ଼ି ଓ ଚାପଡ଼ ଜବତ କରିବା ସହିତ ଭଗବତ୍ ପଣ୍ଡା(୬୦) ଓ ତାଙ୍କ ପୁଅ ଅଜିତ୍ କୁମାର ପଣ୍ଡା(୩୦)ଙ୍କୁ ଗଣିଆ ବନାଞ୍ଚଳ କାର୍ଯ୍ୟାଳୟକୁ ଆଣି ପଚାରାଉଚୁରା କରିବା ପରେ ଓଆର କେସ୍ ନଂ-୪୮/୨୦-୨୧ରେ ମାମଲା ଋଜୁ କରି ବାପା ପୁଅ ଦୁଇଜଣଙ୍କୁ ଗିରଫ କରିଥିବା ବେଳେ, ହରିଣ ଶିକାରରେ ସାମିଲ ଥିବା ଗୁଣ୍ଡୁରୀବାରି ଗାଁର ରାମଚନ୍ଦ୍ର ପ୍ରଧାନ(୨୫) ଫେରାର ଥିବା ପ୍ରକାଶ କରିଛନ୍ତି । ଜବତ ହୋଇଥିବା ମାଂସକୁ ପରୀକ୍ଷଣ କରିବା ପାଇଁ ଭୁବନେଶ୍ୱର ଓୟୁଟିକୁ ପଠାଯିବ । ତେବେ ଉକ୍ତ ଅଭିଯୁକ୍ତ ୨ଜଣଙ୍କୁ ଆଜି କୋର୍ଟ ଟାଲାଣ କରାଯିବା ନେଇ ବନାଞ୍ଚଳ ଅଧିକାରିଣୀ ସୋନାଲି ସିଓ ସୂଚନା ଦେଇଛନ୍ତି । ଉକ୍ତ ଚଢଉ ସମୟରେ ଗଣିଆ ବନାଞ୍ଚଳ ଅଧିକାରିଣୀଙ୍କ ସହିତ ବନପାଳ ସନ୍ତୋଷ ପ୍ରଧାନ, ବନ ସୁରକ୍ଷା କର୍ମଚାରୀ ନିଳମଣୀ ଦଳେଇ, ପବିତ୍ର ପରୀଡ଼ା ସାମିଲ ଥିଲେ ।
