ନୟାଗଡ଼,(ବାଘୁଆବାର୍ତ୍ତା): ସଂପଡ଼ା ନିକଟ ୫୭ନଂ ଜାତୀୟ ରାଜପଥରେ ଟ୍ରକ ଟିପ୍ପର ମୁହାଁମୁହିଁ ଧକ୍କା ହୋଇଛି । ଟ୍ରକ ଡ୍ରାଇଭର ଆହାତ ହୋଇଥିବା ଜଣାପଡିଛି । ସୂଚନାନୁସାରେ, ନୂଆଗାଁ ଥାନା ଅନ୍ତର୍ଗତ ଖୋର୍ଦ୍ଧା-ବଲାଙ୍ଗିର ୫୭ନଂ ଜାତୀୟ ରାଜପଥ ସଂପଡା ନିକଟ ଜଙ୍ଗଲ ଠାରେ ନୟାଗଡ଼ରୁ ଦଶପଲ୍ଲା ଅଭିମୁଖେ ଶୁଭମ୍ ରୋଡ ଲାଇନ୍ ଟ୍ରକ ନଂ(ଓଡି ୨୫ଜେ ୪୯୮୯) ଯାଉଥିବା ବେଳେ ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ଟିପ୍ପର ନଂ (ଓଡି ୩୩ଏବି ୮୨୯୯)ଟି ଆସି ଟ୍ରକକୁ ଧକ୍କା ଦେଇଥିଲା । ଯାହାଫଳରେ ଟ୍ରକ ସମ୍ମୁଖ ଭାଗ ଭାଙ୍ଗି ଯାଇଥିବା ବେଳେ ଟ୍ରକ ଚାଳକ ଆହାତ ହୋଇଥିବା ଜଣାପଡିଛି । ଖବର ପାଇ ଘଟଣାସ୍ଥଳରେ ନୂଆଗାଁ ପୁଲିସ ପହଞ୍ôଚ ଗାଡ଼ିକୁ ଜବତ କରି ଥାନାକୁ ନେଇଥିବା ବେଳେ ଟ୍ରକ ମାଲିକ ଦେବେନ୍ଦ୍ର ପୃଷ୍ଟି ନୂଆଗାଁ ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗକୁ ଭିତିକରି ଥାନାରେ କେସ ନଂ ୩୮/୨୧ରେ ଏକ ମାମଲା ଋଜୁ କରାଯାଇଥିବା ନେଇ ନୂଆଗାଁ ଥାନା ଅଧିକାରୀ ରମେଶ କୁମାର ଦେବତା ସୂଚନା ଦେଇଛନ୍ତି ।
