ନୟାଗଡ଼,(ବାଘୁଆବାର୍ତ୍ତା): ବିଜୁ ଶ୍ରମିକ ସାମୁଖ୍ୟ ସହ ବଦ୍ଧିତ ମଧ୍ୟାହ୍ନ ଭୋଜନା ପାଚିକା ସହାୟୀକା ସଂଘର ବୈଠକ ବାଲୁଗାଁ ପଞ୍ଚାୟତ କାର୍ଯ୍ୟଳୟ ପରିସରରେ ହାର ଦେଇଙ୍କ ସଭାପତିତ୍ୱରେ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ବାଲୁଗାଁ ଜୋନର କ୍ରୀଦାସପୁର, ବାଲୁଗାଁ, ଲକ୍ଷ୍ମୀପ୍ରସାଦ ଓ ଶରଧାପୁର ପଞ୍ଚାୟତର ସମସ୍ତ ସ୍କୁଲରେ କାର୍ଯ୍ୟରତ ପାଚିକା ସହାୟିକାମାନେ ଯୋଗ ଦେଇଥିବା ବେଳେ ବାଲୁଗାଁ ଜୋନର ଜିଲ୍ଲା ପରିଷଦ ସଭ୍ୟା କଳ୍ପନା ଦଳବେହେରା ଓ ବିଜୁ ଶ୍ରମିକ ସାମ୍ମୁଖ୍ୟର ଜିଲ୍ଲା ସଭାପତି ଶ୍ରୀକାନ୍ତ ପଟ୍ଟନାୟକ ଯୋଗେଦଇ ବକ୍ତବ୍ୟ ରଖିଥିଲେ । କେନ୍ଦ୍ରୀୟ ଯୋଜନାରୁ କେନ୍ଦ୍ର ସରକାର ଅଂଶଧନ କମାଇବା ଓ ରାଜ୍ୟ ଉପରେ ଅଧିକ ବୋଝ ପକାଇବାର କେନ୍ଦ୍ର ସରକାର ନିଜକୁ ବୈଠକରେ ନିନ୍ଦା କରାଯାଇଛି । କେନ୍ଦ୍ର ସରକାର ଶ୍ରମିକ ମାରଣ ନୀତି ପାଇଁ ହତୋତ୍ସାହିତ ହୋଇଥିବା ବେଳେ ରାଜ୍ୟ ସରକାରଙ୍କ ପାଇଁ ପାଚିକା ସହାୟୀକାମାନେ ୧୪୦୦ଟଙ୍କା ପାଇବାରେ ସକ୍ଷମ ହୋଇଛନ୍ତି । ପାଚିକା ସହାୟୀକାମାନଙ୍କୁ ପ୍ରତିବର୍ଷ ଶାଢି, ପରିଚୟ ପତ୍ର ଯୋଗାଇ ଦେବା, ପୂର୍ବ ବକେୟା କାର୍ଡ ଶ୍ରମିକ କିପରି ପାଇପାରିବେ ସ୍ଥାନୀୟ ବିଧାୟକ ତଥା କୃଷି ଓ ଉଚ୍ଚଶିକ୍ଷା ମନ୍ତ୍ରୀ ଡ଼ ଅରୁଣ କୁମାର ସାହୁଙ୍କ ସହିତ ଆଲୋଚନା କରାଯାଇ ବିଭିନ୍ନ ପଦକ୍ଷେପ ନିଆଯିବ ବୋଲି ବୈଠକରେ ନିଷ୍ପତ୍ତି ହୋଇଥିଲା ।
