ନୟାଗଡ଼, (ବାଘୁଆବାର୍ତ୍ତା): ଜିଲ୍ଲାରେ ଆଇନ୍ ଶୃଙ୍ଖଳା ବିପର୍ଯ୍ୟସ୍ତ। କେଉଁଠି ଶାସକ ଦଳ ଗୁଣ୍ଡା ସାଜିଲାଣି ତ ଆଉ କେଉଁଠି ପୋଲିସ ପ୍ରଶାସନର ବରିଷ୍ଠ ଅଧିକାରୀ ନିର୍ଦ୍ଧିଷ୍ଟ ଦଳୀୟ ବ୍ୟକ୍ତି ବିଶେଷ ଭାବେ କାମ କରୁଛନ୍ତି। ତ ଆଉ କେଉଁଠି ବିଧାୟକ ପ୍ରାର୍ଥୀଙ୍କ ନାମରେ ମହିଳାଙ୍କୁ ଅପହରଣ କରି ନେଇଥିବା ଅଭିଯୋଗ ଆସିଥିବା ବେଳେ ପୋଲିସ ପ୍ରଶାସନର ବରିଷ୍ଠ ପୋଲିସ ଅଧିକାରୀ ଜୈନିକ ମହିଳାଙ୍କୁ ଅଶ୍ଳୀଳ ଫଟୋ ମାଗିବା, ପ୍ରେମ ନିବେଦନ କରିବା ଏବଂ ଶାରିରୀକ ସମ୍ପର୍କ ରଖିବା ଭଳି ସଙ୍ଗୀନ ଅଭିଯୋଗ ନୟାଗଡ଼ ଜିଲ୍ଲା ବର୍ତ୍ତମାନ ସାରା ରାଜ୍ୟରେ ଚର୍ଚ୍ଚାର ବିଷୟ ପାଲଟିଛି। ଜିଲ୍ଲାରେ ଆଇନ୍ ଶୃଙ୍ଖଳା ରକ୍ଷା କରିବାରେ ବିଫକ ପାଲଟିଛି ନୟାଗଡ଼ ପୋଲିସ।
ତେଣୁ ଆଜି ନୟାଗଡ଼ ବିଧାୟକ ଡ଼ ଅରୁଣ କୁମାର ସାହୁଙ୍କ ନେତୃତ୍ବରେ ବିଜେଡ଼ି ଏକ ଟିମ୍ ନୟାଗଡ଼ ଆରକ୍ଷୀ ଅଧିକ୍ଷକ ଏସ ସୁଶ୍ରୀଙ୍କ ସହ ଭେଟ ହୋଇ ବିଭିନ୍ନ ଅଭିଯୋଗ ଓ ଦାବି କରିଥିଲେ। ଏବଂ ବର୍ତ୍ତମାନ ଓଡ଼ିଶାର ଚର୍ଚ୍ଚିତ ଏସଡିପିଓଙ୍କ ଘଟଣାରେ ଏସଡିପିଓ ମଦନ ମୋହନ ପ୍ରଧାନଙ୍କୁ ତୁରନ୍ତ ଗିରଫ୍ କରିବା ପାଇଁ ଦାବି କରିଥିଲେ। ଯଦି ଯଥାଶୀଘ୍ର ଏସଡିପିଓଙ୍କୁ ଗିରଫ୍ କରାନଯାଏ ତେବେ ଆଗାମୀ ଦିନରେ ଆନ୍ଦୋଳନକୁ ଆହୁରି ତୀବ୍ରତର କରାଯିବ ବୋଲି ଡ଼ ସାହୁ ଚେତାବନୀ ଦେଇଛନ୍ତି। ସେପଟେ ଅଭିଯୋଗ ଗୁରୁତ୍ବ ଦିଆଯାଉଛି ଏବଂ ତଦନ୍ତ ଚାଲିଅଛି, ବଦଳି ହୋଇଛି ତଦନ୍ତ ଚାଲିଛି। ତଦନ୍ତ ରିପୋର୍ଟ ଆସିଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ନୟାଗଡ଼ ବିଧାୟକଙ୍କ ସହ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା, ଜିଲ୍ଲା ପରିଷଦ ଅଧ୍ୟକ୍ଷ ଇଂ ଦେବାଶିଷ୍ ପଟ୍ଟନାୟକ, ଭାପୁର ବ୍ଲକ୍ ଉପାଧ୍ୟକ୍ଷ ବେଣୁଧର ପ୍ରଧାନ, ଜିଲ୍ଲା ପରିଷଦ ସଦସ୍ୟ ମାନେ ଉପସ୍ଥିତ ଥିଲେ।
