ସନ୍ଦେହ ଘେରରେ ଇଟାମାଟି ସିଆରସିସିଙ୍କ ଭୂମିକା

ନୟାଗଡ଼, (ବାଘୁଆବାର୍ତ୍ତା): ବଦଳୁନି ନୟାଗଡ଼ ଶିକ୍ଷା ବିଭାଗର ନୀତି। ଜିଲ୍ଲା ଶିକ୍ଷା ଅଧିକାରୀଙ୍କ ଅଗୋଚରରେ ଚାଲିଛି ଅନେକ କାମ। ଶିକ୍ଷକ ମାନଙ୍କ  ନାମରେ କିମ୍ୱା ସଂମ୍ପର୍କୀୟଙ୍କ ନାମରେ ବେସରକାରୀ ବିଦ୍ୟାଳୟ ଖୋଲିବାର ଅନୁମତି ନଥିବା ବେଳେ, ଏଠି ସିଆରସିସି ବାବୁ ନିଜେ ସର୍ବେସର୍ବା ପାଲଟିଥିବା ନେଇ ବିଶେଷ ସୂତ୍ରରୁ ଜଣାପଡ଼ିଛି। ଏବଂ ବିଭିନ୍ନ ସମୟରେ ସହକାରୀ ଶିକ୍ଷକ ଓ ଶିକ୍ଷୟତ୍ରୀ ମାନଙ୍କୁ ମଧ୍ୟ ହଇରାଣ ହରକତ କରୁଥିବା ମଧ୍ୟ ଅଭିଯୋଗ ଶୁଣିବାକୁ ମିଳିଛି । ଏଭଳି ଅଭିଯୋଗ ଆସିଛି ଇଟାମାଟି ସିଆରସିସିଙ୍କ ନାମରେ। ଏମିତିକି ସିଆରସିସିଙ୍କର ଏକ ଘରୋଇ ବିଦ୍ୟାଳୟ ଥିବା ବେଳେ ସରକାରୀ ବିଦ୍ୟାଳୟରେ କୋଉଠି ଶିକ୍ଷକ ଅଛନ୍ତି, କୋଉଠି ଶିକ୍ଷକ ନାହାନ୍ତି ତାହା ସଠିକ୍ ଭାବେ ଉପରିସ୍ଥ ଅଧିକାରୀଙ୍କ ସମ୍ମୁଖରେ ଉପସ୍ଥାପନ କରୁନଥିବା ଜଣାପଡିଛି। ଯାହାଫଳରେ ଶିକ୍ଷକ ଅଭାବ ଥିବା ବିଦ୍ୟାଳୟରେ ଛାତ୍ରଛାତ୍ରୀ ମାନେ ବିଭିନ୍ନ ଅସୁବିଧାର ସମ୍ମୁଖୀନ ହେଉଥିବା ଜଣାପଡ଼ିଛି। ତେବେ ଏସବୁ ଘଟଣା ଜିଲ୍ଲା ଶିକ୍ଷା ଅଧିକାରୀ ଅବଗତ ଅଛନ୍ତି ନା ଅବଗତ ନାହାନ୍ତି ତାହା ବଡ଼ ପ୍ରଶ୍ନବାଚୀ ସୃଷ୍ଟି କରିଛି। ତେବେ ଏଥିପ୍ରତି ଜିଲ୍ଲା ଶିକ୍ଷା ଅଧିକାରୀ ଦୃଷ୍ଟି ଦେବାକୁ ବୁଦ୍ଧିଜୀବୀ ମହଲର ଦାବି କରାଯାଇଛି।