ଖୋର୍ଦ୍ଧା, (ବାଘୁଆବାର୍ତ୍ତା): ଓଡ଼ିଶା ସରକାରଙ୍କ ବିଦ୍ୟାଳୟ ଓ ଗଣଶିକ୍ଷା ବିଭାଗ ନିର୍ଦ୍ଦେଶ ଅନୁସାରେ ବିଦ୍ୟାଳୟରେ ଶିଶୁମାନଙ୍କ ନାମଲେଖା ନିମନ୍ତେ ପ୍ରବେଶ ଉତ୍ସବ ଓ ଖଡ଼ି ଛୁଆଁ କାର୍ଯ୍ୟକ୍ରମ କରାଯାଉଛି। ଏହିକ୍ରମରେ ସୁନ୍ଦରପୁର କଲୋନୀ ପ୍ରାଥମିକ ବିଦ୍ୟାଳୟ ପରିସରରେ ପ୍ରବେଶ ଉତ୍ସବ ଏବଂ ଖଡ଼ି ଛୁଆଁ କାର୍ଯ୍ୟକ୍ରମ କରାଯାଇଥିଲା।ଭାରପ୍ରାପ୍ତ ପ୍ରଧାନ ଶିକ୍ଷକ ଲଳିତ ନାରାୟଣ ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ପଞ୍ଚସଖା ଶିକ୍ଷା ସେତୁ ସଭାନେତ୍ରୀ ରାଜେଶ୍ୱରୀ ହାଲଦାର, ପରିଚାଳନା କମିଟି ସଭ୍ୟା ରିତୁ ମଣ୍ଡଳ, ଚିତ୍ତରଞ୍ଜନ ମଣ୍ଡଳ, ଧନଞ୍ଜୟ ମଣ୍ଡଳ ପ୍ରମୁଖ ଅତିଥି ରୂପେ ଯୋଗଦେଇ ସରକାରୀ ବିଦ୍ୟାଳୟରେ ଶିଶୁମାନଙ୍କ ନାମ ଲେଖାଇ ବିଭିନ୍ନ ସରକାରୀ ସୁବିଧା ସୁଯୋଗ ପାଇବା ସହିତ ଉଜ୍ଜ୍ବଳ ଭବିଷ୍ୟତ ଗଠନ କରିବାକୁ ମାତାପିତାଙ୍କୁ କହିଥିଲେ। ପାରମ୍ପରିକ ରୀତିନୀତିରେ ଶ୍ରୀ ମହାପାତ୍ର ଶିଶୁ ବାଟିକା ଏବଂ ପ୍ରଥମ ଶ୍ରେଣୀରେ ୭ ଜଣ ଶିଶୁଙ୍କୁ ଖଡ଼ି ଛୁଆଁଇଥିଲେ । ଶିଶୁ ମାନଙ୍କୁ ବିଦ୍ୟାଳୟ ପ୍ରତି ଆକୃଷ୍ଟ କରାଇବା ନିମନ୍ତେ ରଙ୍ଗ ପସରା,ଖେଳ ଘର ଏବଂ ଗପ ରାଇଜ ୩ଟି ଷ୍ଟଲ କରାଯାଇଥିଲା। ପିଲାମାନେ ମନ ପସନ୍ଦ ଖେଳଣା ଦେଖି ଆନନ୍ଦ ଅନୁଭବ କରିଥିଲେ।ଗୁରୁମା ମନୋରମା ସାହୁ ପିଲାମାନଙ୍କୁ ଖେଳାଇ ଥିଲେ। ଅଭିଭାବକମାନେ ଶିଶୁମାନଙ୍କ ଖୁସି ଦେଖି କହିଥିଲେ ଖେଳ ମାଧ୍ୟମରେ ଶିକ୍ଷାଦାନ ଏବଂ ଗୁରୁମାନଙ୍କ ଆତ୍ମୀୟତା ସହିତ ମୁଖ୍ୟମନ୍ତ୍ରୀଙ୍କ ପ୍ରେରିତ ସ୍ୱତନ୍ତ୍ର ନିମନ୍ତ୍ରଣ ପତ୍ର ଶିକ୍ଷା ବ୍ୟବସ୍ଥାକୁ ସୁଦୃଢ କରିବା ସହିତ ଶିଶୁମାନଙ୍କୁ ପ୍ରତ୍ୟେକ ଦିନ ବିଦ୍ୟାଳୟ ଆସିବାକୁ ଆକୃଷ୍ଟ କରାଇବ। ଶିକ୍ଷୟିତ୍ରୀ ସ୍ୱାଗତିକା ରାଜ ଧନ୍ୟବାଦ ଅର୍ପଣ କରିଥିଲେ। ଅନ୍ୟମାନଙ୍କ ମଧ୍ୟରେ ବୀଣାପାଣି ମଣ୍ଡଳ, ଗାୟତ୍ରୀ ବିଶ୍ୱାସ, ରିଙ୍କି ବୈରାଗୀ,ମଲିନା ମଣ୍ଡଳ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ ।
ଅଙ୍ଗନବାଡ଼ି କେନ୍ଦ୍ରରେ ପ୍ରବେଶ ଉତ୍ସବ ଓ ଖଡ଼ି ଛୁଆଁ କାର୍ଯ୍ୟକ୍ରମ
