ନୟାଗଡ଼,(ବାଘୁଆବାର୍ତ୍ତା): ଜିଲ୍ଲାପାଳଙ୍କ ସଦ୍ଭାବନା ଗୃହରେ ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲଙ୍କ ଅଧ୍ୟକ୍ଷତାରେ ଗୁଣାତ୍ମକ ପ୍ରମାଣପତ୍ର ଉପରେ ବିକ୍ରେତା ସଂଗ୍ରହ ଅଭିଯାନ କର୍ମଶାଳା ଅନୁଷ୍ଠିତ ହୋଇଯାଇଛି । କର୍ମଶାଳାରେ ଜିଲ୍ଲାପାଳ ତାଙ୍କ ବକ୍ତବ୍ୟରେ କହିଲେ ଯେ, ଏମଏସଏମଇ ଗୁଡ଼ିକର ପ୍ରତିଯୋଗିତା ମୂଳକତା ଏବଂ ଦକ୍ଷତାକୁ ଚଳାଇବାରେ ଗୁଣାତ୍ମକ ପ୍ରମାଣପତ୍ରର ଗୁରୁତ୍ଵ ରହିଛି । ଭାରତୀୟ ଗୁଣାତ୍ମକ ପରିଷଦ ଏବଂ ଜାତୀୟ ଉତ୍ପାଦକତା ପରିଷଦର ବିଶେଷଜ୍ଞ ବକ୍ତାମାନେ ପ୍ରମାଣପତ୍ର ପ୍ରକ୍ରିୟା ଉପରେ ମୂଲ୍ୟବାନ ମାର୍ଗଦର୍ଶନ ପ୍ରଦାନ କରିଥିଲେ । ଏହି କର୍ମଶାଳାରେ ଏମଏସଏମଇ ବିଭାଗ ପରାମର୍ଶଦାତା ଅଙ୍କିତ ଆଦିତ୍ୟ ଭଟ୍ଟ, ଜାତୀୟ ଉତ୍ପାଦକତା ପରିଷଦର ଉପ-ନିର୍ଦ୍ଦେଶକ ଶ୍ୟାମା ପ୍ରସାଦ, ଗୁଣବତା ପରିଷଦ ଅଫ୍ ଇଣ୍ଡିଆର ପରାମର୍ଶଦାତା ଦେବାନୁ ଦାସମହାପାତ୍ର ଯୋଗ ଦେଇ ଆଲୋଚନା କରିଥିଲେ । ଜିଲ୍ଲା ଶିଳ୍ପ ବିଭାଗ ସାଧାରଣ ପରିଚାଳକ ସମ୍ପଦ ନାୟକଙ୍କ ତତ୍ୱାବଧାନରେ କାର୍ଯ୍ୟକ୍ରମ ଆୟୋଜିତ ହୋଇଥିଲା ।
