ହତ୍ୟା ଘଟଣା, ବାପା ଓ ପୁଅ ସମେତ ୪ ଗିରଫ

ନୟାଗଡ଼,(ବାଘୁଆବାର୍ତ୍ତା): ଗଣିଆ ବ୍ଳକ ଅନ୍ତର୍ଗତ କିଶୋରପ୍ରସାଦ ପଞ୍ଚାୟତ ପାଣ୍ଡରାସିଂହା ଗ୍ରାମରେ ସାଙ୍ଗକୁ ସାଙ୍ଗ ଛୁରୀ ଭୁଷି ହତ୍ୟା କରିଥିବା ଘଟଣାରେ ସୋମବାର ଦିନ ମୁଖ୍ୟ ଅଭିଯୁକ୍ତ ଗଙ୍ଗାଧର ରାଉତଙ୍କ ସମେତ ଘରେ ଲୁଚାଇ ରଖିଥିବା ଅଭିଯୋଗରେ ଭାଉଜ ଓ ପୁତୁରା ଓ ଗଙ୍ଗାଧରର ନାଵାଳକ ପୁଅ ହତ୍ୟା କରିଥିବା ଛୁରୀକୁ ନିଜ ଘରବାରି ପଛପଟୁ ନେଇ କୂଅରେ ପକାଇବା ଘଟଣାରେ ୪ ଜଣଙ୍କୁ ଗଣିଆ ପୁଲିସ ଗିରଫ ପରେ କୋର୍ଟ ଚାଲାଣ କରିଛି । ପାଣ୍ଡରାସିଂହା ଗ୍ରାମରେ ଦୁଇ ସାଙ୍ଗ ମଧ୍ୟରେ ମଦ ପିଇବା ପରେ ଯୁକ୍ତି ତର୍କ ହୋଇଥିଲା । ରାଗି ଯାଇ ଗଙ୍ଗାଧର ରାଉତ ସାଙ୍ଗ ପୁରୁଷୋତମ ପ୍ରଧାନକୁ ଏକ ଛୁରୀ ମାଧ୍ୟମରେ ଛାତିକୁ ଭୁଷି ଦେଇଥିଲା । ହତ୍ୟାକାଣ୍ଡ ପରେ ଗଙ୍ଗାଧର ନିଜ ବଡ଼ଭାଇଙ୍କ ଘରେ ଲୁଚି ରହିଥିଲା । ଛୁରୀଟିକୁ ନିଜ ବଡ଼ଭାଇଙ୍କ ବାଡ଼ିରେ ଫିଙ୍ଗି ଦେଇଥିଲେ । ପରେ ଅଭିଯୁକ୍ତର ପୁତୁରା ଛୁରୀଟିକୁ ତାଙ୍କ ବାସନମଜା ସ୍ଥାନକୁ ଫିଙ୍ଗି ଦେଇଥିଲେ । ଅଭିଯୁକ୍ତର ନାବଳକ ପୁଅ ଛୁରୀଟିକୁ ନେଇ ଗାଁଠାରୁ ୫୦୦ମିଟର ଦୁରରେ ଥିବା ମନ୍ଦିର ନିକଟରେ ଥିବା ଏକ ପରିତ୍ୟକ୍ତ କୂଅରେ ପକାଇ ଦେଇଥିଲା। ରବିବାର ଗଣିଆ ପୁଲିସ ଅଭିଯୁକ୍ତକୁ ଘଟଣାସ୍ଥଳକୁ ନେଇ ସିଂ ରିକ୍ରିଏସନ୍ କରିଥିଲେ। ଗଣିଆ ଅଗ୍ନିଶମ୍ କର୍ମଚାରୀ କୂଅରୁ ପାଣି ଶୁଖେଇଲା ପରେ ଛୁରୀଟିକୁ ବାହାର କରିଥିଲେ। ଏହି ଘଟଣାରେ ଅଭିଯୁକ୍ତର ଭାଉଜ ନିବାସୀ ରାଉତ, ପୁତୁରା ଶୁଭମ ରାଉତ ଓ ନାବାଳକ ପୁଅକୁ ଗଣିଆ ଥାନାକୁ ଆଣି ଅଧିକ ପଚରା ଉଚୁରା କରିବା ପରେ ୪ ଜଣଙ୍କୁ ଡାକ୍ତରୀ ମଇନା କରାଯାଇଥିଲା । ୪ ଜଣଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ଲଷ୍ମଣ ଦଣ୍ଡସେନା ସୁଚନା ଦେଉଛନ୍ତି।