ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ସାଇ ସମିତି ପକ୍ଷରୁ ପୋଷ୍ୟଗ୍ରାମ କଞ୍ଚନବିଲି ମନ୍ଦିର ପରିସରରେ ପବିତ୍ର ରଜ ଉତ୍ସବ ପାଳିତ ହୋଇଯାଇଛି। ସମିତିର ଆବାହକ ରାମଚନ୍ଦ୍ର ସାହୁଙ୍କ ସଂଯୋଜନାରେ ପାରମ୍ପରିକ ରଜ ଉତ୍ସବ କାର୍ୟ୍ୟକ୍ରମ ଆୟୋଜିତ ହୋଇଥିଲା ବେଳେ ବହୁ ସଂଖ୍ୟାରେ ମହିଳା ଭାଗ ନେଇ ରଜଦୋଳିର ମଜ୍ଜା ନେଇଥିଲେ। ଏଥି ସହିତ ପୁଚିଖେଳ, ଅଖାଡିଆଁ, ପାନଭଙ୍ଗା, ଅଳତା ଲଗା, ଅନ୍ଧପୁଟୁଳି ଆଦି ପ୍ରତିଯୋଗିତା କରାଯାଇଥିଲା। ପ୍ରତିଯୋଗିତାରେ ଅଂଶଗ୍ରହଣ କରିଥିବା କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା। ସାଇ ସମିତିର କର୍ମକର୍ତ୍ତାମାନେ କାର୍ୟ୍ୟକ୍ରମରେ ଯୋଗଦେଇ ସାଇ ସନ୍ଦେଶ ଦେବା ସହ ସାଇବାବାଙ୍କ ଆଦର୍ଶ ଓ ସାମାଜିକ ଚଳଣୀରେ ମନୁଷ୍ୟ ପାଇଁ ଭକ୍ତି ମାର୍ଗ କମାତ୍ର ପନ୍ଥା ବୋଲି ଧାର୍ମିକ ତତ୍ତ୍ବବାଣୀ ପ୍ରଦାନ କରିଥିଲେ।ଏହି କାର୍ୟ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ନୟାଗଡ ସମିତିର ଜିଲ୍ଲା ଗ୍ରାମସେବା ମୁଖ୍ୟ ସନ୍ତୋଷ ପ୍ରଧାନ, ଆଧ୍ୟାତ୍ମିକ ସଂଯୋଜକ ବ୍ରଜବନ୍ଧୁ ମହାପାତ୍ର, ଅଧ୍ୟାପକ ନକୁଳ ନାୟକ, କାର୍ତିକ ନାୟକ, ଦେବରାଜ ମହାପାତ୍ର , ରମେଶ ମହାରଣା, ପ୍ରଫୁଲ୍ଲ ଗୁରୁ, ଅଧ୍ୟାପକ ପ୍ରଦୀପ୍ତ କୁମାର ହାତୀ, ପ୍ରଦୀପ୍ତ କୁମାର ସାହୁ, ସୁବାଶିଷ ଖୁଣ୍ଟିଆ , ବବିତା ସାହୁ, କୁନ୍ତଳା ଦେଇ, ପ୍ରିୟଙ୍କା ସାହୁ, ସସ୍ମିତା ମହାରଣା, ପ୍ରମିଳା ନାୟକ ଉପସ୍ଥିତ ଥିଲା ବେଳେ ରୁବି ନାୟକ, ଜଟାଧାରୀ ନାୟକ, ସୁଶାନ୍ତ କୁମାର ବେହେରା, ପ୍ରମିଳା ପ୍ରଧାନ ଓ ସ୍ବର୍ଣ୍ଣ ଲତା ସାହୁ କାର୍ୟ୍ୟକ୍ରମ ପରିଚାଳନା କରିଥିଲେ।
ସାଇ ସମିତି ପକ୍ଷରୁ ରଜ ଉତ୍ସବ ପାଳନ
