ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ଜିଲ୍ଲା ଇଟାମାଟି ଥାନା ଅନ୍ତର୍ଗତ ଇଟାମାଟି ପଞ୍ଚାୟତସାହିର ଗଦାଧର ନାୟକ ସବୁଦିନ ଭଳି ଆଜି ସକାଳୁ ବୁଲିବା ପାଇଁ ଯାଉଥିଲେ । ନୟାଗଡ଼ ଖୋର୍ଦ୍ଧା ଜାତୀୟ ରାଜପଥ ଉପରେ ସେ ଚାଲି ଚାଲି ଯାଉଥିବା ବେଳେ ଇଟାମାଟି ଯୁକ୍ତ ଦୁଇ ମହାବିଦ୍ୟାଳୟ ସମ୍ମୁଖରେ ପିକଅପ୍ ଗାଡ଼ି ଧକ୍କା ଦେଇଥିଲା । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ଚିକିତ୍ସା ପାଇଁ ଆଣିଥିଲେ । ଡାକ୍ତର ଗଦାଧରଙ୍କୁ ମୃତ ଘୋଷଣା କରିଥିଲେ । ଇଟାମାଟି ପୁଲିସ ଘଟଣା ସ୍ଥଳରେ ପହଞ୍ଚି ପିକ ଅପ୍ ଗାଡ଼ି ଜବତ୍ କରିବା ସହ ଡ୍ରାଇଭରକୁ ଅଟକ ରଖିଛି । ଏନେଇ ଗଦାଧରଙ୍କ ପୁଅ ଶିବପ୍ରସାଦ ନାୟକ ଥାନାରେ ଏତଲା ଦେଇଛନ୍ତି । ପୁଲିସ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
