ରୋହିବାଙ୍କ ବିଦ୍ୟାଳୟରେ ବିଶ୍ଵ ପରିବେଶ ଦିବସରେ “ମା’ ପାଇଁ ଗଛଟିଏ” କାର୍ଯ୍ୟକ୍ରମ

ନୟାଗଡ଼, (ବାଘୁଆବାର୍ତ୍ତା): ବିଶ୍ଵବ୍ରହ୍ମାଣ୍ଡ ରେ ଅଦ୍ଵିତୀୟ ଗ୍ରହ ହେଉଛି ପୃଥିବୀ କାରଣ କେବଳ ଏହି ଗ୍ରହରେ ଜୀବଜଗତ ସୃଷ୍ଟି ହୋଇଛି। 4.6 ବିଲିୟନ ବର୍ଷ ପୂର୍ବେ ସୃଷ୍ଟି ହୋଇଥିବା ପୃଥିବୀ ବର୍ତ୍ତମାନ ଏକ ଜ୍ୱଳନ୍ତ ପିଣ୍ଡ ଆଡକୁ ଅଗ୍ରସର ହେଉଛି। ତେଣୁ କେନ୍ଦ୍ର ସରକାରଙ୍କ ଶିକ୍ଷା ଓ ସାକ୍ଷରତା ମନ୍ତ୍ରଣାଳୟ ଓ ଓଡିଶା ସରକାରଙ୍କ ପରିବେଶ ବିଭାଗ ଯୁଗ୍ମ ଆନୁକୂଲ୍ୟରେ ମା’ ପାଇଁ ଗଛଟିଏ କାର୍ଯ୍ୟକ୍ରମ କୁ ନୟାଗଡ଼ ଜିଲ୍ଲା ଓଡ଼ଗାଁ ବ୍ଲକ ରୋହିବାଙ୍କ ବିଦ୍ୟାଳୟ ର ସ୍କାଉଟ ଗାଇଡ଼ ଓ ଇକୋକ୍ଳବ ଛାତ୍ର ଛାତ୍ରୀ ମାନଙ୍କ ଦ୍ୱାରା ବିଶ୍ୱ ପରିବେଶ ଦିବସ ପାଳନ ହୋଇସାରିଛି। କାର୍ଯ୍ୟକ୍ରମ ରେ ଧରିତ୍ରୀ ମାତୃଭୂମି ଓ ପ୍ରକୃତିକୁ ସମ୍ମାନ ଓ ସମର୍ପିତ ଦେଖାଇବା ସହିତ ଜ୍ୱଳନ୍ତା ପିଣ୍ଡକୁ ଶୀତଳତା ଆଡକୁ ନେବା, ତାକୁ ସବୁଜ ସୁନ୍ଦର ବେଶରେ ଦେଖିବା ପାଇଁ ମା ନାମରେ ଗଛ ଟିଏ ଲଗାଇ ଏହାର ଯତ୍ନ ନେବାକୁ ସଚେତନ କରାଯାଇଛି । ପ୍ରଧାନ ଶିକ୍ଷୟିତ୍ରୀ ବିଷ୍ନୁପ୍ରିୟା ବାରିକଙ୍କ ନିର୍ଦେଶ କ୍ରମେ ଶିକ୍ଷକ ସନ୍ତୋଷ କୁମାର ସାହୁ ଓ ଖେଳ ଶିକ୍ଷକ ଆଲୋକ ନାୟକ ପିଲାମାନଙ୍କୁ ନେଇ ବିଦ୍ୟାଳୟ ହତା ଭିତରେ ବୃକ୍ଷ ରୋପଣ କରାଇଥିଲେ। ବୃକ୍ଷରୋପଣ ସାଙ୍ଗକୁ ମାଟିକୁ ଦୂଷିତ କରୁଥିବା ପ୍ଲାଷ୍ଟିକ ଓ ପଲିଥିନ କୁ ଘରେ ଓ ନିଜ ଆଖପାଖ ଅଞ୍ଚଳ ରେ ବର୍ଜନ କରିବାକୁ ଶପଥ ନେଇଥିଲେ। ନିଜ ଘରର ବାରି ତଥା ଖୋଲା ସ୍ଥାନରେ ବୃକ୍ଷରୋପଣ ଓ ତାର ଯତ୍ନ ପାଇଁ ଏକ ସଚେତନତା ଶୋଭାଯାତ୍ରା କରି ରୋହିବାଙ୍କ ଗ୍ରାମ ପରିକ୍ରମା କରାଯାଇଥିଲା। କାର୍ଯ୍ୟକ୍ରମକୁ ଶ୍ରୀ ସାହୁ ପରିଚାଳନା କରିଥିବାବେଳେ ଶିକ୍ଷୟିତ୍ରୀ ସୁନିତା ବେହେରା, ପ୍ରିୟଦର୍ଶନୀ ମହାପାତ୍ର, ଶିକ୍ଷକ ସୁଯ୍ୟମଣୀ ନାୟକ ପ୍ରମୁଖ ସହଯୋଗ କରିଥିଲେ।