ଓଡ଼ଗାଁ, (ବାଘୁଆବାର୍ତ୍ତା): ବିଶ୍ୱ ପରିବେଶ ଦିବସ ଉପଲକ୍ଷେ ଓଡ଼ଗାଁ ବନାଞ୍ଚଳ ପକ୍ଷରୁ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି।ଓଡ଼ଗାଁ ବନାଞ୍ଚଳ ଅଧିକାରୀ ନିଖିଳେଶ ମଲ୍ଲିକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଆୟୋଜିତ କାର୍ଯ୍ୟକ୍ରମରେ ରଘୁନାଥ ବିଦ୍ୟାପୀଠ ଓ ରାଧାକାନ୍ତ ସରକାରୀ ବାଳିକା ଉଚ୍ଚ ବିଦ୍ୟାଳୟର ୩୧ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ।ଏହି ଅବସରରେ ‘ପ୍ଲାଷ୍ଟିକ ପ୍ରଦୂଷଣ ବିରୁଦ୍ଧରେ ଲଢେଇ’ଶୀର୍ଷକ ପ୍ରତିଯୋଗିତା ଅନୁଷ୍ଠିତ ହୋଇଥିଲା।
ଆଦର୍ଶ ଶିକ୍ଷକ ପଞ୍ଚାନନ ପଣ୍ଡା,ରଞ୍ଜନ କୁମାର ଦାସ ବିଚାରକ ଦାୟିତ୍ୱ ତୁଲାଇଥିବାବେଳେ ରାଧାକାନ୍ତ ସରକାରୀ ବାଳିକା ଉଚ୍ଚ ବିଦ୍ୟାଳୟ ପ୍ରଧାନଶିକ୍ଷକ ରମେଶଚନ୍ଦ୍ର ସାହୁ ଓ ଶିକ୍ଷୟିତ୍ରୀ ଯସଶ୍ୱିନୀ ମହାପାତ୍ର ସହଯୋଗ କରିଥିଲେ।ପ୍ରତିଯୋଗିତାରେ ରାଧାକାନ୍ତ ସରକାରୀ ବାଳିକା ଉଚ୍ଚ ବିଦ୍ୟାଳୟର ମୋନାଲିସା ମହାପାତ୍ର ପ୍ରଥମ ସ୍ଥାନ,ରଘୁନାଥ ବିଦ୍ୟାପୀଠର ଜୟଶ୍ରୀ ଗୁରୁଚରଣ ରାଉତରାୟ ଦ୍ଵିତୀୟ,ଶର୍ମିଷ୍ଠା ପୃଷ୍ଟି ତୃତୀୟ ଓ ଦିବ୍ୟା ଅଭିଲିପ୍ସା ଚତୁର୍ଥ ସ୍ଥାନ ହାସଲ କରିଥିଲେ।ବନପାଳ ସରିତା ବରାଳ କାର୍ଯ୍ୟକ୍ରମ ପରିଚାଳନା କରିଥିବାବେଳେ ଫରେଷ୍ଟ ଗାର୍ଡ ସୌମ୍ୟରଞ୍ଜନ ଦଳେଇ ସହଯୋଗ କରିଥିଲେ।
