ନୟାଗଡ଼, (ବାଘୁଆବାର୍ତ୍ତା) : ଶୁକ୍ରବାର ଅପରାହ୍ନରେ ଗଣିଆ ବ୍ଲକ ବଡ଼ସିଲିଙ୍ଗା ଗ୍ରାମରେ ଅଖିନ୍ଦର ଜାନୀ ଓ ପଙ୍କଜ ମାଝୀ ନିଜ ଛେଳି ବାହାରକୁ ଚରାଇବାକୁ ଯାଇଥିଲେ। ସେତିକିବେଳେ ବର୍ଷା ହେବାରୁ ସେ ଦୁଇଜଣ ଏକ ଆମ୍ବ ଗଛମୂଳେ ଆଶ୍ରୟ ନେଇଥିଲେ । ବଜ୍ରପାତ ଘଟି ଉଭୟ ଗୁରୁତର ହୋଇଥିଲେ। ତାଙ୍କୁ ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ଡାକ୍ତର ଅଖିନ୍ଦରଙ୍କୁ ମୃତ ଘୋଷଣା କରିଥିବା ଜଣାପଡ଼ିଛି। ପଙ୍କଜଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ନୟାଗଡ଼ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି।
