ଶୀକାରି ଗୁଳିରେ ଆଦିବାସୀ ମୃତ୍ୟୁ ଘଟଣା, ଦରପୋଡ଼ା ଶବ ଜବତ

ନୟାଗଡ଼,(ବାଘୁଆବାର୍ତ୍ତା): ନୟାଗଡ଼ ବନଖଣ୍ଡ ଅନ୍ତର୍ଗତ ପଞ୍ଚରିଡ଼ା ବନାଞ୍ଚଳ ଗୋଚ୍ଛା ସଂରକ୍ଷିତ ଜଙ୍ଗଲରେ ଶୀକାରି ଗୁଳିରେ ଜଣେ ଆଦିବାସୀଙ୍କ ମୃତ୍ୟୁ ଘଟିଥିବା ସୂଚନା ମିଳିଛି । ସ୍ଥାନୀୟ ଲୋକଙ୍କଠାରୁ ମିଳିଥିବା ସୂଚନାନୁସାରେ ଗୋଚ୍ଛା ଗ୍ରାମର ହୀନ ପ୍ରଧାନଙ୍କ ନିକଟସ୍ଥ ଗ୍ରାମର ସନ୍ତୋଷ ସାହୁ ଓ ମିଟୁ ପ୍ରଧାନ ଗତକାଲି ରାତିରେ ଜଙ୍ଗଲକୁ ଡାକି ନେଇଥିଲେ । ଶୀକାର କରିବା ସମୟରେ ଅସାବଧନତା କାରଣରୁ ଗୁଳି ହୀନଙ୍କ ଦେହରେ ବାଜିଥିଲା । ଏହି ଘଟଣାରେ ଜଙ୍ଗଲ ଭିତରେ ହୀନଙ୍କ ମୃତ୍ୟୁ ହୋଇଛି । ମୃତ୍ୟୁ ଖବର ଆଜି ସକାଳୁ ମିଳିବା ପରେ କିଛି ଗ୍ରାମବାସୀ ଶୀକାରିଙ୍କ ସହ ମିଶି ଏହାକୁ ଚପାଇ ଦେବାକୁ ଉଦ୍ୟମ କରିଛନ୍ତି । ୪ ଲକ୍ଷ ଟଙ୍କା ଓ ୩ ମାଣ ଜମି ବଦଳରେ ଘଟଣାକୁ ଆପୋଷ ସମାଧାନ କରାଯାଇଥିଲା । ଶବକୁ ଜଙ୍ଗଲ ଭିତରକୁ ନେଇ ପୋଡ଼ି ଦିଆଯାଉଥିବା ବେଳେ ଶରଣକୁଳ ଥାନା ପୁଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରିଛନ୍ତି । ଗ୍ରାମବାସୀଙ୍କ ବିରୋଧ ସେତ୍ୱ ପୁଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ୧୦ ରୁ ଉର୍ଦ୍ଧ୍ୱ ଲୋକଙ୍କୁ ଅଟକ ରଖିଛି ।